FAARSO 90:1 - Qullaawa Maxaafa

¹ Mooticha'ya ati ilamate ilamara hee'neemmowaati.

FAARSO 90:1 ပူးပေါင်းရင်းမြစ်များ

UMI MOOTOOLLA 13:1

Iyorbiaami kakkalara kakkalote darga uurre hee'reenna, mittu Kaaliiqi soyinohu Maganu manchi Yihudunni kae Beeteli dayi.

FAARSO 71:3

Ati goda'yaatinna golo'yaatina, balba'leemmowanna jawaata qiisho ikkite gargarie.

FAARSO 89:1

Kaaliiqa, ani bagamannokkihu baxillikki daafira, wo'manka woyite faarseemmo; ilamate ilamara halaalaanchimmakki duduweemmo.

FAARSO 91:1

Wo'munkura Aliidiha golosi assi'rannohu, Wo'manka Dandaanno Magani hunda caa'lanno.

FAARSO 91:9

Kaaliiqi agaraanchokki, Wo'munkura Aliidihu golokki ikkino daafira, bushu coyi atewa shiqqi diyaanno; qoomamuno minikkira dieanno.

ISAYAASI 8:14

Ani qullaawa qiishooti; ikkollana Yihudunna Israeelete mannira woshshaadonna gufidhanno kincho ikkeemmonsa.

HIZIQEELI 11:16

«Kunnira, qafadante wole gobbara heedhannorira fiixikkira ani yeemmohere baala kulinsa. Qafadante fafo daga giddo heedhannonna wole gobbuwara billaallitanno gede assoommohu aneeti. Kayinnilla, yannate geeshsha billaallisummonsaha ikkirono, ani martinowa ledonsa noommo.

IMBAAQOOMI 1:12

Imbaaqoomi qole, «Kaaliiqa Magano'ya, ati bi're hundinni kayisse nootto qullaawaatinna hegerera hee'rattoho. Ninkeno direyineemmo. Golonke ikkoottohu Maganonke, cubbinkenni kainohunni Baabilooni gosa aananke kayisoottohunna wolqano oottonsahu ateeti.

YOHAANNISI 6:56

Maala'ya itannohunna mundee'ya agannohu baalu anenni hee'ranno; anino isinni hee'reemmo.

MARRO 33:1

Maganu manchi Muse reyara albaanni Israeelete mannira uyino maasso kunninni aante noote:

MARRO 33:27

Hegere Magani godankeeti; hegereti cigilesino irkissannonke; diinnanke gundeemmo gede kulannonke yannara, xooqqanno gede assannonsa.

UMI XIMOOTEWOOSI 6:11

Maganu mancho! Ati kayinni kunni baalu coyiwiinni xooqi; keeraanchimma, ayyaanaame heeshsho, ammana, baxille, cinca, arshimma ha'runsi.

UMI YOHAANNISI 4:16

Ninkeno Maganu baxannonke baxille egenninoommo; ammannoommono. Maganu baxilleho; baxillu giddo hee'rannohu Maganu giddo hee'ranno; Maganuno isi giddo hee'ranno.