FAARSO 9:10 - Qullaawa Maxaafa

¹⁰ Kaaliiqa, ati hasidhannohere tugge agurattonsakki daafira, su'makki egentinori baalu addaxxitannohe. Kaaliiqa, ati hasidhannohere tugge diagurattonsa.

FAARSO 9:10 ပူးပေါင်းရင်းမြစ်များ

LAYINKI SAAMUEELI 22:3

Maganu golo'ya ikkinoehura, isi ledo keerunni hee'reemmo; wonqo'ya ikke gargarannoe. Hale'ya ikke keerunni worannoe; isi gatisaancho'ya ikkinohura, shettotenni fushshannoe.

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

FAARSO 37:28

Kaaliiqi halaale baxanno daafira, keeraano dihunanno; keeraano hegerera heedhanno; bushuullu sirchi kayinni ba"anno.

FAARSO 37:39

Keeraanote gatonsa Kaaliiqiwiinni dagganno; qarrinsa yannara isi qiishonsaati.

FAARSO 5:11

Ate addaxxitannorira baalaho kayinni tashshi yaannonsa; hegerera hagiirrunni faarsitanno; baxxannohere baala agarattonsa; insano wo'manka woyite hagiidhitanno.

FAARSO 57:1

Lubbo'ya ate addaxxitinona mararie; Magano ballo, mararie; qarru dambali sa"a geeshsha, qoolikki giddo maaxameemmo.

FAARSO 91:14

Maganu, «Isi ane baxanno daafira agareemmosi; su'ma'ya ayirrisanno daafira goleemmosi.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

ISAYAASI 25:4

Diinu foorari dambalu gede, kinchu huxxa xiiwanno daafira, buxanetenna qarraataammaho irkidhannowa, hombobolatte dagganno yannara golo, arrishshote fooggalira caale ikkoottonsa.

ISAYAASI 45:19

Maaxe tunsichu giddo dicoyi'roommo; Yaiqoobi sirchira, ‹Hasidhe"e› yoommohu mulla haafa di"ikkino; ani Kaaliiqi halaale coyi'reemmo; taalo coye lallawe kuleemmo.

ERMIYAASI 29:13

Hasidhinannie; wo'mu wodani'nenni hasidhiniero afidhinannie.

NAHOOMI 1:7

Kaaliiqi shaqqadoho, qarru yannarano mannisira dancha kaajjado maaxammanni dargaati. Isiwa eeggo e'annore baalanka agarannonsa.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

LAYINKI XIMOOTEWOOSI 1:12

Konne qarra adheemmohuno kunni daafiraati. Ikkollana ammanoommoha egennoommo daafira disaaleemmo. Uyinoonnie eeggo hakko barri geeshsha agadha hasiissannoeta huwatoommo.

UMI YOHAANNISI 2:3

Maganu hajajo wonshinummoro, iso egenninoommore ikkinoommota tennenni anfeemmo.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.