FAARSO 9:1 - Qullaawa Maxaafa

¹ Kaaliiqa, wo'mu wodani'yanni galateemmohe; assootto dhagge baalanta kuleemmo.

FAARSO 9:1 ပူးပေါင်းရင်းမြစ်များ

UMI DUDUWO 16:12

Ki'ne soqqamaanchisi Israeeli ooso, doorino'neri Yaiqoobi sirchi baalu, Kaaliiqi assino maalale baalanna, yiino yoo wodanche.

UMI DUDUWO 16:24

Dagate ayirrinyesi lallabbe; dhaggesino gosa baalate kulle.

FAARSO 106:2

Isi assinore kule guda dandaannohu ayeti? Ikkannosi geeshshi galata aasira dandaannohu nooni?

FAARSO 111:1

Kaaliiqira galatu iillosi! Suwaddu xaadiwanna songote mereero, Kaaliiqa wo'mu wodani'yanni galaxxeemmosi.

FAARSO 138:1

Kaaliiqa'ya, wo'mu wodani'yanni galaxxeemmohe; sokkaasinete albaanni atera galatu faarso faarseemmohe.

FAARSO 26:7

Galatu faarso faarsanni, maalalekki baala duduweemmo.

FAARSO 51:15

Mooticha'ya, arrawi'yanni galatakki duduweemmo gede, afoo'ya fanie.

FAARSO 7:17

Kaaliiqa, halaalaanchimmasi daafira, galateemmosi; Wo'munkura Aliidi Maganira galatunni faarseemmo.

FAARSO 86:12

Mooticha Magano'ya, wo'mu wodani'yanni galata eemmohe; su'makkino hegere geeshsha ayirriseemmo.

FAARSO 9:14

Konne assittoero, Tsiyooni nafarchira uurre, galatakki baala kuleemmo; gatisoottoehurano hagiidheemmo.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 60:6

Midiyaaminninna Efa yinanniwiinni dagganno gaalaasine baatto'ne wo'mitanno. Culkanna hixaana haadhe Saabanni dagginori baalu, Kaaliiqi galata lallabbe kultanno.

LUQAASI 10:27

Manchu daware, «‹Mooticha Maganokki wo'mu wodanikkinni, wo'ma lubbokkinni, wo'ma wolqakkinni wo'ma hedokkinni baxisi. Elokki umikki gede assite baxi› yaanno» yii.

IBIRAAWOOTA 13:15

Kunnira, Yesuusi Kiristoosi widoonni qolle wo'ma woyite galatu kakkalo Maganoho shiqinsho. Tini kakkalo suumenkenni, «Isi Mootichankeeti» yine uyineemmote.

YOHAANNIS AJUUJA 15:3

Insa Maganu soqqamaanchita Muse faarsonna Ge'rechu faarso: «Wo'manka Dandaattohu, Mooticha Magano! Loosikki dhaggetenna maalalete! Gosa baalate moote, dooggakki taalotenna halaaleho!