FAARSO 89:2 - Qullaawa Maxaafa

² Bagamannokkihu baxillikki hegerera hee'rannotanna, halaalaanchimmakkino gordoho soorrantukkinni heedhannota afoommo.

FAARSO 89:2 ပူးပေါင်းရင်းမြစ်များ

FAARSO 36:5

Kaaliiqa! Bagamannokkihu baxillikki gordoho qasi'rino; halaalaanchimmakkino gomichu geeshsha iillitino.

LUQAASI 1:50

Waajjannosi mannira, ilamatenni ilamate geeshsha maarosi halashshanno.

FAARSO 103:17

Kaaliiqi kayinni waajjitannosirira baalaho, hegere geeshsha bagamannokkiha baxillesi leellishannonsa; keeraanchimmasino ilamate ilamara iillishanno.

IBIRAAWOOTA 6:18

Soorramannokkihanna Maganuno kapha dandaannokkire lamenka hexxosinna xaarosi uyinonke. Kunni lamunku coyi widoonni albankeenni noo hexxo seekkine cu'mi'rate dandiineemmo gede, golo ikkannonkehu widira hinge xoonqoommori ninke lowo jawaante afi'neemmo.

FAARSO 89:37

Gordoho soorramikkinni hee'ranno agani gede, mootimmasino hegerera heedhanno» yootto.

FAARSO 89:5

Kaaliiqa, assootto dhaggera gordu galatohe; halaalaanchimmakki daafira keeraano songonsara faarsitohe.

NEHIMIYA 9:31

Qolteno ati mararattohanna maaratto Magano ikkoottohura, agurattonsaranna hunattonsara dihasi'rootto.

FAARSO 146:6

Kaaliiqi gordo, baatto, baaranna giddosi noore baala kalaqinoho. Isi wo'manka woyite gondoorosi agaranno.

FAARSO 119:89

Kaaliiqa'ya, qaalikki hegereho; gordohono soorramikkinni hee'ranno.

FAARSO 42:1

Bulaa buichote waa sinsinnaabbannonte gede, Magano! Hattonni lubbo'ya ate sinsinnaabbanno.

NEHIMIYA 9:17

Hajajantannokkire ikkitino; assoottonsa dhagge baala habbino. Boo'nansanni kainohunni qoxxisante, giddonsanni albisa doodhite, galagalche Gibitsete borojjimmara haa're ha'rannonsa gede assitino. Ati kayinni baxillu wo'minoheha, hanqate muddamattokkiha, mararattohanna maarattoha, maarokkino batidhino Magano ikkootto daafira, daguroottonsa.

NEHIMIYA 1:5

«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.

MAATEWOOSI 24:35

Gordunna baatto sa'anno; qaali'ya kayinni disa"anno» yii.

FAARSO 40:11

Kaaliiqa maarokki anewiinni xeertissooti; bagamannokki baxillikkinna halaalikki wo'manka woyite agaroe.