FAARSO 88:8 - Qullaawa Maxaafa

⁸ Callateemmo gede egentinoere anewiinni xeertisootto; insa albaanni diqatamoommoha assoottoe; ragu baalu huxxameenna fuleemmo farono hoogoommo.

FAARSO 88:8 ပူးပေါင်းရင်းမြစ်များ

IYYOOBI 12:14

Maganu diiganno; isi diiginoha qole gatamarannohu dino. Isi usuranno; isi usurinohano tire fushshannohu dino.

IYYOOBI 19:8

Maganu saeemmokki gede doogo cufinoe; doogo'ya tunsichunni beeshshino.

IYYOOBI 30:10

Ceeggifatte anewiinni ka'a shiqqi yitanno; saalfattukkinni aanaho anja tuffannoe.

FAARSO 142:4

Wirri yee laeemmo woyite go'leemmowa hoogummo; kaa'lannoehu mittu manchino dino; agarannoehunna towatannoehu dino.

FAARSO 143:4

Kunninni kainohunni hexxo mudhate gamba yee, lowo geeshsha shetoommo.

FAARSO 31:11

Baarigaarra'ya baala, roorenkanni ollii'ya giddo noori qacifattannoe; egentinoeri la"a saalfattannoe; doogote xaaddannoeri xooqqannoe.

FAARSO 42:8

Kaaliiqi barra, bagamannokki baxillesi soyannoe; hashsha faarso aannoe; tinino, heeshsho'ya Maganira shiqishi'reemmo huuccattooti.

FAARSO 88:18

Fiixa'yanna jaalla'ya nafa muli'yanni xeertisseenna, tunsichu callu jaala ikkinoe.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 63:3

Kaaliiqi, «Daga ani calli'ya woyinete laalo gede huuncoommo; togo asseemmo woyite, dagate giddonni ane ledo noohu dino. Insa hanqi'yanni kadanna, aari'yanni ceellaganna, mundeensa kaatte uddano'ya huntino.

ERMIYAASI 32:2

Hatte yannara Baabilooni moote olanto Yerusaalamete bala tuggara doyissite no. Anino Yihudu moote mine noohura usuru mine usurame noommo.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

YOHAANNISI 11:57

Qeesootu roorrootinna Farisootu Yesuusa amaddara hasidhe, noowa afinohu hee'riro kulannonsa gede manna hajajju.