FAARSO 88:4 - Qullaawa Maxaafa

⁴ Mannu reyinohu gede asse kiirie; wolqano co'o yite gooffue.

FAARSO 88:4 ပူးပေါင်းရင်းမြစ်များ

IYYOOBI 17:1

«Lubbo'ya daafurtino; barri'ya qeelameenna, waammano qixxaabbinoe.

FAARSO 143:7

Kaaliiqa'ya ballo, hexxo'ya baala ba'inona, keeshshittokkinni macciishshie; alba go'littoero, jeennaate dirritinori ledo karsama'yaati.

FAARSO 28:1

Kaaliiqa golo'ya eeggate, ate woshshi'reemmo; huuccatto'ya macciishsha gibbootie; sammi yite giwittoero kayinni bale ea'yaati.

FAARSO 30:9

Ani ree waamamummoro ma kaa'leemmohe? Bushsha ikkummoro galateemmoheni? Halaalaanchimmakki kule afeemmoni?

FAARSO 31:12

Reyino manni gede ikke hawamummo; hiiqqamino uduunnichi gede ikke tugamummo.

ISAYAASI 53:3

Mannu mishinosihonna giwinosiho; xissonna qarru amadinosi. Mannu mishe alba shawwu yiinosi; ninkeno diayirrinsoommosi.

ERMIYAASI QURTO 3:15

Dombophicho afii'yara wo'mitanno gede assinoe; argiisu gede qaraartanno sagalenna ago duushshinoe.

HIZIQEELI 26:20

Jeennaate dirrite albi manni ledo xaadatto gede asseemmohe. Reyitinori ledo fiixa ikkite hee'ratto gede, hakko baattote woroonni noo jeennaatira diigante ba'inori ledo wore agureemmohe. Kunninni kainohunni, layinkimeeshsho mannu dihee'rannohe; lubbotenni noori ledo dikiiramatto.

YOONAASI 2:6

Ilaallate hundi geeshsha lixummo; hegere geeshsha cufante heedhanno baatto dirrummo. «Ati Kaaliiqi Magani'ya kayinni, ane diimete giddonni fushshite, lubbo'ya gatisoottoe.

ROOMU SOKKA 5:6

Ninke wolqa afi'noommokki waro, Maganu hedino yanna iillituta Kiristoosi ninke cubbaataammaho reyino.

LAYINKI QORONTOOSI 1:9

Wodaninkenni hendeemmo woyite, reyote yoo yinoonninkeha lawinonke. Kuni coyi ikkinohu, ninke wolqa ikkitukkinni reyitinore kayisannohu Magano ikkinota buunxeemmo gedeeti.

LAYINKI QORONTOOSI 13:4

Isi masiqalu aana sutame wolqiweelu gede ikke reyinoha ikkirono, xa Maganu wolqanni lubbotenni no. Ninkeno isi ledo wolqiweeloota ikkinoommo. Ki'ne ledo noonke xaadooshshinni kayinni isi ledo Maganu wolqanni hee'neemmo.