FAARSO 88:1 - Qullaawa Maxaafa

¹ Gatisaancho'ya ikkoottohu Kaaliiqa Magano'ya ballo, hashshanna barra albakkiinni woxarateemmo.

FAARSO 88:1 ပူးပေါင်းရင်းမြစ်များ

KALAQAMA 49:18

«Kaaliiqa'ya! Gatisaanchimmakki agadheemmo.

UMI MOOTOOLLA 4:31

Isi manna baalanka roore hayyichaati. Isi Ezirahichu Etaaninna, Mahooli ooso Hemaani, Kalikoolinna Daariai roore hayyichaati. Su'misino gashshootisira aante noo gobba baalate egennami.

UMI MOOTOOLLA 5:11

Selemoonino Kiraami mannira sagalete ikkitannota 20,000 kuntaala qamadenna 400,000 litire fila ejersu zayite diru dirunkunni uyi.

UMI DUDUWO 2:6

Rodiisi Zaara 5 ooso ilino; insano Zimiiri, Etaani, Hemaani, Kalikooliitinna Daaridaiiti.

UMI DUDUWO 6:18

Qehaati Amiraami, Yitsihaari, Kebirooninna Uzieeli ili;

NEHIMIYA 1:6

Magano, soqqamaanokki Israeelete manni gato daafira hashshanna barra huucci'reemmota huuccatto'ya macciishshie. Ninke Israeelete manni, ani umi'yanna annuwa'ya loonsoommo cubbono ifaaxxeemmo.

FAARSO 140:7

Jawaata gargaraasincho'ya ikkoottohu Mooticha Magano'ya! Olu barra ati siwiilu gullee'yaati.

FAARSO 22:2

Magano'ya barra wo'ma ate woshshi'reemmo; ati kayinni didawarattoe; hashsha wo'ma fooliishsho dinoe.

FAARSO 24:5

Togoo manchi Kaaliiqi anganni atoote afi'ranno; gatisaanchu Maganisi keereensannosi.

FAARSO 27:1

Kaaliiqi xawaabba'yaatinna gato'yaati; waajjishannoehu ayeti? Kaaliiqi heeshsho'yara goloseetina, masisannoehu ayeti?

FAARSO 27:9

Albakki shawwu assitootie; ati kaa'laancho'yaatina, ane soqqamaanchokki hanqite tugge agurtootie. Magano gatisaancho'ya ballo, wo'manka woyite agurtootie; callachishshootie.

FAARSO 42:1

Bulaa buichote waa sinsinnaabbannonte gede, Magano! Hattonni lubbo'ya ate sinsinnaabbanno.

FAARSO 51:14

Gatisaancho Magano ballo, shitannoriwiinni agarie; anino keeraanchimmakki duduweemmo.

FAARSO 53:1

Hawanyootu wodaninsanni, «Maganu dino» yitanno; baalunku battaabbino; hashakki'nanni cubbo assitanno; dancha coye assannohu dino.

FAARSO 62:7

Gato'yanna ayirrinyi'ya Maganunniiti; isi qiisho'yaatinna jawaata golo'yaati.

FAARSO 65:5

Magano gatisaanchonke! Dhegge loosse dawaro qoloottonke; baara widoonni noorinna baattote qaccera heedhannori baalu ate hexxitanno.

FAARSO 68:19

Barra baala duqqannonkehu, Mootichu galataminoha ikko; Maganu gatisaanchonkeeti.

FAARSO 79:9

Maganonkenna gatisaanchonke ballo! Kaa'linke; su'mikkira yite gatisinke; cubbonkeno agurinke.

FAARSO 86:3

Mooticha'ya ballo, barra wo'ma ate woxarateemmona mararie.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 62:6

Yerusaalame! Huxxikkira hashshanna barra goxxannokki agaraasine woroommo; ki'ne Kaaliiqa huuccidhinanniri, Isi Yerusaalame safa geeshshanna, gobba baalate egennantinota assase geeshsha fooliishshidhinoonte; isirano fooliishsho uyitinoonte.

LUQAASI 1:47

lubbo'ya Maganu Gatisaanchi'yanni hagiidhitanno.

LUQAASI 18:7

Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?

LUQAASI 2:30

Gatisaanchimmakki ille'yanni afoommo;

LUQAASI 2:37

Hakkunni gedensaanni settayina shoole diro ikkase geeshsha Qullaawu Mininni baxxitukkinni ita aga agurte huuccidhanni, hashshanna barra Maganoho soqqantanni heedhino.

UMI TESELONQE 3:10

Hashshanna barra jaatanaambe huucci'neemmohu, ammana'ne giddo xeino coyi wo'manno gedeetinna ki'neno illenkenni la'nammora yineeti.

LAYINKI XIMOOTEWOOSI 1:3

Wo'manka woyite hashshanna barra huuccatto'yanni qaageemmo woyite, annuwa'ya assitunte gede anino xalalu tii'inni soqqameemmo Magano galaxxeemmo.

TIITO 2:10

jajjansa moggannokki gedeno seejji. Gatisaanchinke Maganu rosi baalunku coyinni ayirranno gede, wo'manka woyite co'o yitine ammanamme.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.