FAARSO 83:18 - Qullaawa Maxaafa

¹⁸ Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

FAARSO 83:18 ပူးပေါင်းရင်းမြစ်များ

KALAQAMA 22:14

Abirihaami hakko dargira, Yaahiwe Yirie yee su'ma fushshi. Techo geeshsha mannu, «Kaaliiqi ilaalu aana qixxeessanno» yaanno.

UMI MOOTOOLLA 18:37

Tini gosakki ati Kaaliiqi halaalaancho Magano ikkoottotanna atewa qoloottohu ate ikkoottota affanno gede eeggatena dawaro qolie» yaanni huucci'ri.

LAYINKI MOOTOOLLA 19:19

Kaaliiqa Maganonke, ati Kaaliiqi callu ninkera Magano ikkoottota daga baala affanno gede xa Asoorootu anganni gatisinke» yaanni huucci'ri.

FAARSO 18:13

Kaaliiqino gordoho hee're beleqi; Wo'munkura Aliidi Magani huurosi macciishshiishi.

FAARSO 35:4

Shitaera hassannore baala saalunna shollinyu amadannonsa; anera busha heddannori irraabbe badhera higgo.

FAARSO 59:13

Insa hanqikkinni huni; shakki assite gudi; Maganu Israeeletenni sae baatto baalate gashshaancho ikkinota, baalunku hakkawoyite affanno.

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

FAARSO 9:2

Atenni tashshi yaannae, hagiidheemmo; Wo'munkura Aliidi Magano, su'mikkira faarseemmo.

FAARSO 92:8

Kaaliiqa, ati kayinni hegere geeshsha wo'munkura aliidiho!

FAARSO 97:9

Ati Kaaliiqi baatto baalate aana wo'munkura aliidiho; maganna baalantenni umiidiho.

FULO 6:3

Wo'manka Dandeemmo Magano ikka'yanni Abirihaamira, Yisihaaqiranna Yaiqoobira leelloommo; ‹Kaaliiqa› yinannihunni qullaawu su'mi'yanni kayinni dileelloommonsa.

ISAYAASI 42:8

«Su'mi'ya Kaaliiqaati; ayirrinye'ya gutamannohu wolu magani dino; misillano galata'ya beeqqitara dihasi'reemmo.

ISAYAASI 5:16

Olantote Mootichi Kaaliiqi kayinni yoo taashshasinni ayirranno. Qullaawu Magani halaalaanchimmasinni ewelummasi egensiisanno.

ISAYAASI 54:5

Kuni ikkannohuno, ani kalaqaanchikki Olantote Magani Kaaliiqi, ayiddaannakkiiti. Ani gatisaanchikki Israeelete Qullaawaati; kalqe baalate Maganooti yinannie.

ERMIYAASI 16:21

Kaaliiqi, «Kunnira, manna baalaho wolqa'yanna roorre'ya egensiiseemmo; hakkunni gedensaanni ani Kaaliiqa ikkoommota affanno» yii.

HIZIQEELI 30:19

Gibitse kunni garinni qorichisheemmo yannara, ani Kaaliiqa ikkoommota affanno» yii.

HIZIQEELI 38:23

Kunni garinni, ani jawanna Qullaawa ikkoommota daga baalate leellisheemmo. Hatte yannara, insa ani Kaaliiqa ikkoommota affanno» yii.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

MIKIYAASI 4:13

Kaaliiqi, «Ki'ne Yerusaalamete manna! Martine diina'ne gidu gede assitine ganne; buudasi siwiila, culunqasi camo ikkino woraami gede jawaatoota asseemmo'ne. Co'o assitine huntinanni. Beebbatenni adhitinoonni jironna beehacho wo'manka gobba wo'mante Mooticha ikkoommohura anera abbitinanni» yaanno.

ZAKKAARIYAASI 4:14

Isino, «Kuni lamunku manni, baatto baalate Mootichi Kaaliiqi soqqantasira buurinoreeti» yii.