FAARSO 81:10 - Qullaawa Maxaafa

¹⁰ Gibitsete gobbanni fushshummo'nehu ani Kaaliiqi Magano'neeti; wonsheemmo'nena afoo'ne halashshitine fanne.

FAARSO 81:10 ပူးပေါင်းရင်းမြစ်များ

FAARSO 107:9

Isi goodhinore kassi assannonsa; hudidhinoreno dancha coye ee duushshannonsa.

FULO 20:2

«Gibitsete gobbanni borojjimmate giddonni fushshummo'nehu Kaaliiqi Magani'ne aneeti.

FULO 20:3

«Ane agurranna wolu magani hee'roonke'ne.

ERMIYAASI 11:4

Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

HOOSEI 8:3

Israeelete manni kayinni dancha coye giwanno daafira diinu shorrannonsa.

YOHAANNISI 15:7

Anenni heedhiniro, qaali'yano ki'newa hee'riro, hasidhinannire baala huuccidhe; afidhinannina.

YOHAANNISI 16:23

«Hakko barri iillanno woyite ane mittoreno dihuuccidhinannie. Halaale kuleemmo'nena, ane su'minni huuccidhinannire baala Anni'ya aanno'ne.

YOHAANNISI 7:37

Ayyaana ayirrinsannihu gumulotenna lowo geeshsha ayirradu barrinni, Yesuusi uurre qoonqosi naggi asse, «Waa goo'rinohu hee'riro anewa daye ago.

MARRO 5:7

« ‹Ane agurranna wole maganna heedhoonkehe.

IYYAASU 24:14

Iyyaasu lede, «Xa Kaaliiqa ayirrissesi; co'o yitino sumbenninna ammanamatenni soqqammesi. Akaakka'ne Mesiphexoomiyahonna Gibitsete magansidhinota wole maganna huntine, Kaaliiqa calla magansidhe.

IYYAASU 24:23

Isino, «Hatto ikkiro, mereero'ne noota wole maganna hunne. Israeelete Magani Kaaliiqira ammanama'ne leellishshe» yiinsa.

YOHAANNIS AJUUJA 21:6

Hakkunni gedensaanni, «Kune wo'mino! Umihunna goofimarchunnihu, albihunna gedensihu aneeti. Goo'rinohura heeshshote buichonni mittoreno baantikkinni mulla eemmosi.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.