FAARSO 79:3 - Qullaawa Maxaafa

³ Diinu Yerusaalamete gaangaawira mundeensa wayimma lolaasino; reyino mannano madaarannohu hoogino.

FAARSO 79:3 ပူးပေါင်းရင်းမြစ်များ

FAARSO 141:7

Daddarroonninna murmurroonni haqqe gede, miqqansa waammate afiira billaallitanno.

FAARSO 79:10

Daga mayira, «Maganinsa hiikko no?» yitannonke. Ati borojjikki mundeera insa rabbissanna, illenkenni la'neemmo gede assinke.

ERMIYAASI 14:16

Insa himana coyidhanno mannano olunna hude guddanno. Reeshshinsano Yerusaalamete dooggara diriiranno; madaarannonsahuno dihee'ranno. Kuni coyi meentinsa, oosonsanna seenninsa aana ikkanno. Saonsa deerrinni malinonsa qoricha adhitanno» yee dawari.

ERMIYAASI 15:3

Shoole addi addi doogonni qorichisheemmonsa; kunni daafira, olunni reyiteenna, reeshshansa woshshu goshooshanno. Maalansa allaatte ittanno; gatino raqe moyichu gudanno.

ERMIYAASI 16:4

Bushu dhibbinni reyitanno; wi'lannonsahunna madaarannonsahu dihee'ranno. Reeshshinsa ishinu gede xawoho duunamanno; olunna hude guddannonsa. Reeshshinsa moyichohonna allaattete sagale ikkanno.

ERMIYAASI 25:33

Hatte yannara Kaaliiqi shaanno manni reeshshi baatto wo'manno; wi'lannonsahunna madaarannonsahu dihee'ranno. Kunnira ishinu gede mullawa baattote ubbe gattanno.

ERMIYAASI 34:20

Shaannonsa diinira sayise eemmo; reeshshansa allaattetenna moyichoho sagale asseemmo.

SOFFOONIYAASI 1:17

Kaaliiqino, «Ane albaanni cubbo loosatenni sao assitinohura, ballinohu gede jaanjura geeshsha mannu baalu aana wolqaataamo qarra abbeemmo. Mundeensa wayi gede lolakkanno; reeshshinsano fudu gede mullawa tugamanno» yaanno.

MAATEWOOSI 23:35

Kunninni kainohunni, baattote aana du'nantinoti keeraanchu Aabeeli mundeenni kayisse Qullaawu Mininna kakkalote dargi mereero shitinoonnihu Barakiyi beetti Zakkaariyaasite geeshsha duntiniti keeraanote mundee yitanno'ne.

ROOMU SOKKA 8:36

Kuni ikkannohu, «Ate daafira wo'ma woyite shinoonninke; gorrinanni ge'reewi gedeno ikkinoommo» yine borreessinoonni gedeeti.

YOHAANNIS AJUUJA 11:9

Gosa gosatenni, ga're ga'retenni, addi addi afiinni coyi'ranno manninna sirchu sirchunkunni gamba yiino manni sase barranna darate reeshshansa la"anno. Waammannikki gedeno hoolanno.

YOHAANNIS AJUUJA 16:6

Qullaawu mannitanna himanaanote mundee duntino daafira mundee hayikkisoottonsa; kuni insara malinoho» yaanna macciishshummo.

YOHAANNIS AJUUJA 17:6

Tini mancho qullaawu manni mundeenninna Yesuusi farci'raasine mundeenni dimbite noota afummo. Afummo yannara lowo geeshsha maala'lummo.

YOHAANNIS AJUUJA 18:24

Himanaanotenna qullaawu manni mundee, baattote aana shinoonni manni baalu mundeeno, kunni katami giddo no» yii.