FAARSO 78:7 - Qullaawa Maxaafa

⁷ Kunni garinni Magano hexxitanno. Isi assinore baala dihabbanno; hajajosino ayirrissanno.

FAARSO 78:7 ပူးပေါင်းရင်းမြစ်များ

FAARSO 103:2

Lubbo'ya Kaaliiqa galati; galatasino habbooti.

FAARSO 105:45

Konne duucha assinohu, mannisi seerasi agadhanno gedenna, hajajosi wonshanno gedeeti. Kaaliiqira galatu iillosi!

FAARSO 105:5

Ki'ne soqqamaanchisi Abirihaami ooso, doorantinoonniri Yaiqoobi sirchi baalu, Kaaliiqi assino maalale baalanna, yiino yoo wodanche.

FAARSO 146:5

Yaiqoobi Magani kaa'laanchosi ikkinosihuranna, Maganosi Kaaliiqa hexxino manchira tashshi yoosi.

FAARSO 40:4

Kaaliiqa addaxxitannori, boonaleeyyete ledo hossannokkirinna kaphu maganna magansidhannokkiri maassantinoreeti.

FAARSO 62:5

Hexxeemmohu isootina, lubbo'ya, ati sammi yite Magano calla agadhi.

FAARSO 91:14

Maganu, «Isi ane baxanno daafira agareemmosi; su'ma'ya ayirrisanno daafira goleemmosi.

UMI QORONTOOSI 11:24

Magano galatihu gedensaanni tima hiiqqe, «Kuni ki'nera eemmohu maala'yaati; kunninni ane qaagge» yii.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 5:29

Wo'manka woyite hattoo wodani he'roommensaro, ayirrissoomme"eronna hajajo'ya baala wonshitoommero, insaranna sirchinsara geedote geeshsha wo'munku coyi qinaannonsahu baino.

MARRO 6:12

borojjimmatenni Gibitsete gobbanni fushshino'neha Kaaliiqa habbinannikki gede qorophe.

MARRO 6:21

ki'neno, ‹Ninke Gibitsete gobbara Ferioonira borojje ikkine hee'noommo. Kaaliiqi kayinni jawaata angasinni hakkiinni fushshinonke.

MARRO 6:25

Xa tenne baalanta hajajo Maganinke Kaaliiqi hajajinonke garinni isi yiinore seekkine agadhinummoro, ninkera keeraanchimmate kiirantannonke› yitine kultinanninsa.

MARRO 8:11

Techo barra eemmo'ne hajajo, seerasinna wogasi agadha hooggine Magano'ne Kaaliiqa habbinannikki gede qorophe.

MARRO 8:2

Magani'ne Kaaliiqi hajajosi agadhitinannitanna hoogginannita afara, affinanni gede assa'neranna jife la"a'nera kunni shoyilluu diri giddo tenne halallitte baatto baalate asse haa're ha'rino'ne gara qaagge.

UMI PHEEXIROOSI 1:21

Ammana'nenna hexxo'ne Maganunni ikkitanno gede, Yesuusi widoonni amma'nitinoonnihanna iso reyotenni kayise ayirrinye uyinosi Magano addaxxe.

UMI YOHAANNISI 5:3

Magano baxate yaa hajajosi agadhate; hajajosino kaajjado di"ikkitino.

YOHAANNIS AJUUJA 14:12

Maganu hajajo agadhannohunna Yesuusa amma'ne hee'rannohu Maganu manni cinca hasiissannosi.