FAARSO 76:7 - Qullaawa Maxaafa

⁷ Magano! Ati baalunku waajjannoheho. Hanqatto woyite albakkiinni uurrannohu dino.

FAARSO 76:7 ပူးပေါင်းရင်းမြစ်များ

UMI DUDUWO 16:25

Kaaliiqi lowoho; lowo galati hasiisannosiho; wole maganna baalantenni roore ayirradoho.

IZIRA 9:15

Israeelete Magano Kaaliiqa ballo, ati halaalaancho yoo yaattoho; ikkollana kune techo geeshsha lubbotenni woroottonke. Saotenni hee'ne albakkiinni uurra didandiinanni; ninke kayinni kunni garinni hee'ne albikkira shinqoommo» yoommo.

FAARSO 130:3

Cubbonke kiiroottoha ikkoommero, gatara dandaannohu ayeti?

FAARSO 2:12

Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.

FAARSO 89:7

Keeraanote songo mereero Kaaliiqi ayirradoho; qooxeessaho noorira baalaho jawahonna waajjishannoho.

FAARSO 90:11

Hanqikki jawaante afinohu ayeti? Aarikki, ninke ate waajjineemmohe geeshshiho.

FULO 15:1

Hakkunni gedensaanni, Musenna Israeelete manni kunninni aante noo faarso Kaaliiqira faarsitu: Faradonna faradaasine baaru giddo hune, lowo qeelle uyinonkena, Kaaliiqira faarseemmo.

FULO 15:4

Ferioonita faradi gaarenna olantosi baaru giddo huni; doorantinori gaadu hajajaano Duumu Baari giddo egemmante gattu.

NAHOOMI 1:6

Isi hanqanno woyite, albasiinni uurra dandaannohu ayeti? Hanqisi giirate gede buwanno yannara, gata dandaannohu nooni? Giirate gede buwannohu hanqisi dirranno yannara, kinna daddadhante billaallitanno.

MAATEWOOSI 10:28

Maala agurranna lubbo shaa dandiitannokkire waajjitinoonte. Hatteentenni, lubbonna maala gaannaamete giira giddo huna dandaanno Magano waajje.

UMI QORONTOOSI 10:22

Hatto assine Mooticha hinaasiinsoni? Ninke isinni roore jawaanteemmoreetini?

YOHAANNIS AJUUJA 14:7

Isi qoonqosi naggi asse, «Yoosi barri iillinona Magano waajje; ayirrinyeno uuyyesi. Gordonna baatto, baaranna wayi bu'a kalaqinoha magansidhe!» yii.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.