FAARSO 74:2 - Qullaawa Maxaafa

² Balaxxe kalaqoottota songokki, woxxoottoha utuwakki, aanasi hee'roottoha Tsiyooni ilaala qaagi.

FAARSO 74:2 ပူးပေါင်းရင်းမြစ်များ

FAARSO 106:40

Kunnira, Kaaliiqi mannisira hanqi; isino hashakki're giwinsa.

FAARSO 135:4

Kaaliiqi Yaiqoobi umisiha, Israeelete mannano umisi jiro asse dhoodhino.

FAARSO 33:12

Kaaliiqi Maganonsa ikkino manni ba'raa'rinoho; isire assi're doodhinonsa gosa ba'raadhinote.

FAARSO 68:16

Batinye birxe afi'rino ilaalira heedhinanniri Baasaani manni, hegerera Maganu hee'ranno ilaalira, Magano magansi'ranno manna busha illenni mayira la'inanni?

FAARSO 77:15

Yaiqoobinna Yooseefi sircho mannakki, wolqakkinni gatisootto.

FAARSO 9:11

Tsiyooni hee'rannohura Kaaliiqira faarse; assinoreno dagate kulle;

FAARSO 9:12

manna shitannore rabbisanno Magani, qarraataamma qaaganno; raarensano macciishsha digiwanno.

FAARSO 94:14

Kaaliiqi mannasi dihunanno; isire ikkitinoreno diaguranno.

FULO 15:13

Bagamannokki baxillikkinni gatisoottoha mannakki haadhe fushshootto; wolqakkinni, hee'rattowa qullaawu dargira haadhe ha'rootto.

FULO 15:16

Kaaliiqa, borojjimmatenni fushshoottohu mannikki, sae ha'ra geeshsha, waajjillunna masillu amadinsa; wolqakki waajjitino daafira, kinchu gede sammi yitu.

ISAYAASI 51:11

Ati Kaaliiqi gatisoottonsari faarsitanni Yerusaalame higganno; hegere hagiirre haraqidhanno. Hagiirrenna hisanyoote afidhanno; yaaddonna dadillu insawiinni xooqanno.

ISAYAASI 62:12

Hatti dagano, «Kaaliiqi Wodinoti Qullaawa Gosa» yitanno'ne; Yerusaalameno, «Maganu Baxinosetenna Agurinosekki Katamaati» yitanno.

ISAYAASI 62:6

Yerusaalame! Huxxikkira hashshanna barra goxxannokki agaraasine woroommo; ki'ne Kaaliiqa huuccidhinanniri, Isi Yerusaalame safa geeshshanna, gobba baalate egennantinota assase geeshsha fooliishshidhinoonte; isirano fooliishsho uyitinoonte.

ISAYAASI 63:17

Kaaliiqa, doogokkinni fulle ba'nanna mayira worte laittonke? Waajjineemmohekki gede wodananke mayira kaajjishitto? Soqqamaanokki ikkinoommoriwa mannikkiwa higinke.

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

ERMIYAASI 10:16

Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.

ERMIYAASI 51:19

Ati baalankare kalaqoottohu, Israeelete Magani kayinni, insa gedeeha di"ikkootto. Israeelete manna umikki manna assidhe doodhootto; su'mikkino Olantote Mootichaati.

SOQQAMAASINETE LOOSO 20:28

Qullaawu Ayyaani ki'ne hoshshate allaalaasine asse worino'nena, umi'neranna hoshshate seekkitine qorophe. Isi mundeesinni woxxinota Maganu Beetekiristaane allaalle.

MARRO 32:9

Kaaliiqi Yaiqoobi sircho, umisi manna asse doodhino.

MARRO 4:20

Ki'ne kayinni techonte gede umisi manna ikkitinara, Magani'ne Kaaliiqi ki'ne siwiila daashshinanni boosonni Gibitsetenni fushshe abbino'ne.

MARRO 9:26

‹Mooticha Kaaliiqa'ya, jawimmakkinni woxxoottohanna jawaata cigilekkinni Gibitsetenni fushshoottoha woxekki ikkinoha mannakki huntooti.

MARRO 9:29

Insa kayinni wolqakkinninna jawaata angakkinni fushshootto mannaatinna doodhootto gosaati› » yee huucci'roommo.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

YOHAANNIS AJUUJA 5:9

Insa, «Xaanxoonniha borrote goga haa'rate, sumudano tirate maloottohu ateeti. Gorramoottona; mundeekkinni ga're baala, addi addi afoo coyi'rannoha baala, gosanna sircho baala wodde,