FAARSO 74:13 - Qullaawa Maxaafa

¹³ Ati baara wolqakkinni lamewa badootto; wayi giddo hee'ranno moyicho umo cancanootto.

FAARSO 74:13 ပူးပေါင်းရင်းမြစ်များ

NEHIMIYA 9:11

Baara lamewa beekke doogo seekkite, mannakki moola baatto aanaanni qolte sayisootto. Kincho baaru diimera tungannihu gede, mannakki shorrino diina, baaru giddo itame ba"anno gede assootto.

FAARSO 66:6

Baara moola baattora soorrino; akaakkankeno lolahanno wayi giddoonni higge lekkansanni sa'ino. Kunninni kainohunni, hakkiicho ninkera tashshi yiinonke.

FAARSO 78:13

Baara lamewa beehe, waa gammalu gede asse uurrise giddoonni qole sayisinonsa.

FULO 14:21

Museno angasi baaru aana diriirsi; Kaaliiqino wolqaataame soojjaati bubbe abbeenna hashsha wo'ma bubbissanni galte baara lamewa badde baatto mooshshitu.

FULO 14:28

Wayino dargisira hige hoodensa e'inore faradi gaare, faradaasinenna Feriooni olanto baala mittu nafa gattukkinni egemmi.

HIZIQEELI 29:3

Mootichu Kaaliiqi Gibitsete mootera, ‹Ha'ranno Wayi giddo ga'rinoha waajjishanno naacha lawattohura, kuneeti ani hanqunni kaoommohe. Atino, Abbayi ateha ikkinota hedde, konne waano seekkoottohu ate ikkootto gede assite coyi'rootto.

HIZIQEELI 32:2

«Koo manchi beetto, Gibitsete mootera kiirte wi'li. Lowo geeshsha qorophisiisse ani eemmohe qaale, ‹Ati dagate mereero heedhe, atenee doobbiichimma kiirootto. Ikkollana, ati baaru giddo galchamanno naachi gedeeho; lekkakkinni borcitanni wayibba boo'reessatto.