FAARSO 72:2 - Qullaawa Maxaafa

² Kunni garinni mannakki taashshe gashshanno; qarraataammikkirano halaalaancho yoo yaanno.

FAARSO 72:2 ပူးပေါင်းရင်းမြစ်များ

LAYINKI SAAMUEELI 23:3

Israeelete Magani coyi'rinoe; Israeelete goli anera, «Ane Magano waajjatenni taashshe gashshanno moote,

UMI MOOTOOLLA 10:9

Maganikki Kaaliiqi galatamo! Isi ate doore Israeelete moote assasinni atenni hagiidhinota leellishino. Israeelete noosihu baxillu hegereha ikkino daafira, taalonna halaale agaratto gede ate Israeelete moote assinohe» yitu.

UMI MOOTOOLLA 3:28

Israeelete manni Selemooni yiino yoo macciishshihu gedensaanni, taalo coyi'ranno gede Maganu uyinosi egenno giddosi noota afe lowo geeshsha ayirrisisi.

UMI DUDUWO 29:19

Beetti'ya Selemoonino hajajatto hajajo, wodhonna woga baala wo'mu wodaninni wonshanno gedenna kuri qixxeessoommori baalunkunni Qullaawa Mine minate ka"anno gede assi» yii.

IYYOOBI 34:19

Baalanka kalaqinohu Magano ikkinohura, isi gashshaanote alba lae godowa dihosanno; dureessa buxichunni roorse dila"anno.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

LAWISHSHA 29:14

Moote buxane taashshe la"annoha ikkiro, gashshootisi seeda diro hee'ranno.

ISAYAASI 32:1

Taashshe gashshanno moote daannoti yanna iillitino; ledosi gashshaanono halaalu yoo yitanno.

ISAYAASI 32:17

Keeraanchimmate loosi keere abbanno; keeraanchimmate gumino, hegerera hawaqi'ne hee'nanni gede assanno.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 33:15

Hakka waro, Daawiti sircho ikkinoha, keeraancho moote dooreemmo; isino baattote aana halaalunni taashshe gashshanno.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

YOHAANNIS AJUUJA 19:11

Hakkunni gedensaanni gordu fa'name hee'reenna, waajjo farashsho afummo. Gulufe nooha, «Ammanaminohonna Halaalaanchoho» yinanni. Isi taalo yoo yaanno; taalotenni olamanno.