FAARSO 72:19 - Qullaawa Maxaafa

¹⁹ Galataminohu su'misi hegere hegerera maassamo; galatisino baatto baala wo'mo! Hamii'ni! Hamii'ni!

FAARSO 72:19 ပူးပေါင်းရင်းမြစ်များ

UMI MOOTOOLLA 1:36

Beenaya, «Eewanni ati moote mootichi'ya yoottore Maganikki Kaaliiqi wonsho!

NEHIMIYA 9:5

Iyyaasu, Qadimieeli, Baani, Hashebaaniya, Sherebiya, Hoodiya, Shebaaniyanna Fetahiya yinanni Leewaawooti, «Ka'ine uurritine Magano'ne Kaaliiqa galatte; Kaaliiqa hegere hegerera guwissesi. Mannu guwishshi jawimmasi gudise leellishate guutinokkiha ikkiro nafa, ayirradu su'miha Kaaliiqa guwissesi» yitu.

FAARSO 41:13

Israeelete Magani Kaaliiqi hegere hegerera galatamo! Hamii'ni! Hamii'ni!

FAARSO 89:52

Kaaliiqi hegerera galatamo. Hamii'ni! Hamii'ni!

ISAYAASI 11:9

Kaaliiqihura Qullaawu Ilaali aana gawajjannori dihee'ranno; wayi baaraho wo'mannonte gede, Kaaliiqa egennino mannino baatto wo'manno.

ISAYAASI 6:3

Ku'u ku'unniwiinni haa'ranna baalunku, «Qullaawu! Qullaawu! Qullaawu! Olantote Mootichi Kaaliiqi, ayirrinyisi kalqe baala wo'mino» yitu.

ERMIYAASI 28:6

«Eewanni Kaaliiqi yootto gede asso! Qullaawu Mininni ha'rino uduunnenna qafadame ha'rino manna baala galagalche qole Kaaliiqi coyi'rootto himana wonsho.

IMBAAQOOMI 2:14

Wayi baaraho wo'minohu gede, Kaaliiqi ayirrinye afano baatto wo'mitanno.

ZAKKAARIYAASI 14:9

Hatte yannara, Kaaliiqi kalqe baalate moote ikkanno; mannu baalu isi callu Magano ikkinota egenne su'masi ayirrisanno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

KIIRO 14:21

Ikkollana ani heeshshote Magano ikka'yanninna ayirrinyi'yano baatto baala wo'minoha ikkino deerrinni,

KIIRO 5:22

Kuni rumote wayi giddokkira e"e, godowakki fuugise giwoodakkino laansheesso› yoona. Manchono qolte, ‹Eewanni Kaaliiqi yootto gede asso› » yitona.

MAATEWOOSI 6:10

Gashshootikki dayo, hedoottori gordoho ikkinonte gede, baattote aanano ikko.

MAATEWOOSI 6:13

Bushu coyiwiinni gatisinke ikkinnina, jifammeemmo gede assitootinke. [Gashshootu, wolqanna ayirrinyu hegerera atehona. Hamii'ni!›] yitine huuccidhe.

YOHAANNIS AJUUJA 1:18

heeshshonnihuno aneeti. Kunni albaanni reyommo; xa kayinni kune hegere heeshshoha ikkoommo; reyotenna jeennaatu roorre anga'ya no.

YOHAANNIS AJUUJA 22:20

Konne coye farci'rannohu, «Ee, rahe dayemmo!» yaanno. Hamii'ni! Mooticha Yesuusa, amo!

YOHAANNIS AJUUJA 5:13

Gordohonna baattote, baattote woroonni, baaru giddo noo kalaqami baalu, giddonsa noohu lubbo afi'rino kalaqami baalu, «Galatu, ayirrinyu, gaamaarrenna wolqa, hegerenni hegere geeshsha, ayirradu barcimira ofolle noohuranna, Ge'rechoho iillito» yitanni faarsitanna macciishshummo.