FAARSO 72:17 - Qullaawa Maxaafa

¹⁷ Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FAARSO 72:17 ပူးပေါင်းရင်းမြစ်များ

KALAQAMA 12:3

Maassidhannohere maassi'reemmo; runtannohere rumeemmo; baattote aana heedhanno daga baalanti ate widoonni higge maassantanno.

KALAQAMA 22:18

Anera hajajamoottohura baattote aana noo manni baalunku sirchikkinni maassamanno» yiisi.

LAYINKI SAAMUEELI 7:13

Mine'yano isi minanno; gashshootesino muramannokki gede geedonniha asseemmo.

LAYINKI SAAMUEELI 7:16

Aye yannarano sirchikki giddonni gashshootekki ragi'rannohu dihooganno; qoleno gashshootekki geedonniha asseemmo› yiino yite kulisi» yii.

UMI DUDUWO 17:12

Mine'yano isi minanno; gashshootesi muramannokki gede geedonniha asseemmo.

FAARSO 21:7

Moote Kaaliiqa addaxxinona, Wo'munkura Aliidi Maganihu bagamannokki baxilli ledosi noo daafira dimasanno.

FAARSO 45:17

Su'mikki ilamate ilamara qaagamanno gede asseemmo; kunnira, hegere hegerera daga galattannohe.

FAARSO 89:36

Sirchisi hegere hegerera moohanno; minisi gashshooti arrishsho heedhanno geeshsha keeshshanno.

FULO 3:15

Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

MAATEWOOSI 1:21

Ise labbaa beetto iltanno; isi mannasi cubbunni gatisanno daafira su'masi Yesuusa yite fushshatto» yiisi.

MAATEWOOSI 1:23

«Kuneeti, seemo godobbe labbaa beetto iltanno; su'masino Amaanueeli yinanni» Amaanueeli yaa, «Maganu ninke ledo no» yaate.

LUQAASI 1:48

Maganu ane hooffayidita borojjichosi towatinoena, xaanni kayisse ilama baala ba'raa'roottate yitannoe.

SOQQAMAASINETE LOOSO 3:16

Kuni la'inannihunna affinoonni manchi hure jawaatinohu Yesuusinni afi'nanni amma'nanniiti. Yesuusa amma'nasinni ki'ne baalunku albaanni wo'ma fayyimma afi'rino.

GALATIYU SOKKA 3:14

Kuni ikkinohu, Maganu Abirihaamira uyino maasso Kiristoosi Yesuusi widoonni dagate iillitanno gedeetinna Maganu aara coyi'rinoha Qullaawa Ayyaana amma'natenni adhineemmo gedeeti.

EFESOONI SOKKA 1:3

Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo!

EFESOONI SOKKA 3:14

Maganu Annu albaanni guluphe huucci'reemmohu kunniraati.

FILIPHISIYUSI SOKKA 2:10

Kunninni kainohunni, gordoho, baattotenna baattote woroonni noori baalu, Yesuusi su'mi ayirrinyira, guluphitanno.

QOLASIYAASI SOKKA 1:3

Ki'nera huuccineemmo yannara, Mootichinke Yesuusi Kiristoosi Anna Magano wo'manka woyite galanteemmo.

UMI PHEEXIROOSI 1:3

Yesuusi Kiristoosi reyotenni ka"asinni heeshshote hexxo uyinke. Jawa maarosinni haaro ilamanni oososi assinonkehu, Mootichinke Yesuusi Kiristoosi Anni Maganu galatamo.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.