FAARSO 72:16 - Qullaawa Maxaafa

¹⁶ Baatto gide laashshito; ilaallate aana jajju wo'mo; Libaanoosi ilaalla gede qiniitunnita ikkito; hayisso baatto guggushshitannohu gede, katammateno mannu wo'mo.

FAARSO 72:16 ပူးပေါင်းရင်းမြစ်များ

UMI MOOTOOLLA 4:20

Yihudunna Israeelete manni baaru shaafi gede kiiro bati'raho. Kuni manni baalunku intannirinna anganniri xeinsakkinni wo'manka woyite qawaaxxi're hee'ri.

IYYOOBI 5:25

Sirchikki batinye ikkanno; ilakki baattote hayisso gede batidhanno.

IYYOOBI 8:7

Kaimikki shiima ikkiro nafa, gedenikki lowo geeshsha lexxanno.

FAARSO 104:16

Kaaliiqi kaasinohu, Libaanoosi daguwi, ikkanno geeshshi xeena afi'ranno.

FAARSO 72:6

Mooteno xawoho gananno xeeninna baattote uwanno shori gedeeha ikko.

ISAYAASI 29:17

Shiima yanna giddo Libaanoosi dubbi loosi'nanni darga ikkanno; loosi'nanni dargino dubbo ikkanno.

ISAYAASI 30:23

Wixidhinanni jajja lossa'neranna lowo gide laashsha'nera Kaaliiqi xeena dirrisanno'ne; saada'ne hossannota hala'lado hayisso gobba aanno'ne.

ISAYAASI 32:15

Kaaliiqi Ayyaanasi ninke aana dunanno yannara, moola baatto shaqqado ikkitanno; iseno lowo jajja fushshitanno.

ISAYAASI 32:20

gide, daadanno wayi gama wixidhanno daafiranna, lalinsanna harrensa hossannowa afidhannohura, hagiirraamma ikkite heedhanno.

ISAYAASI 35:2

Molo baattora daraaro wo'miteenna, hagiirru faarso faarsitanno; Libaanoosi Ilaali gede biifaado ikkitanno; Qermeloosi Ilaalinna Saarooni Lagichi gede ayirrinye uddidhanno. Mannu baalunku, Kaaliiqi gacheenanna ayirrinye la"anno.

ERMIYAASI 33:22

Soqqamaanchi'ya Daawiti sirchonna Leewi sircho ikkitino qeesoota batiseemmo; batinyinsano gordu beeddahenna baaru shaafi gede kiirre anfannikkiha ikkanno» yiie.

SOQQAMAASINETE LOOSO 1:15

Hatte yannara Pheexiroosi 120 ikkitanno ammanaano mereero uurre,

SOQQAMAASINETE LOOSO 2:41

Insa giddonni lowo manni qaale macciishshe cuuami. Hakko barra sase kume ikkanno manni ammane lexxi.

SOQQAMAASINETE LOOSO 4:4

Qaale macciishshitinori giddonni kayinni lowo manni ammani. Ammantinori kiirono onte kumeeti.

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.

YOHAANNIS AJUUJA 7:9

Hakkunni gedensaanni kuneeti ayino kiire dandaannokkiha lowo manna afummo. Kuni manni gosa baalatenni, ga're baalatenni, fiixu fiixunkunninna addi addi afoo coyi'ranno manni giddonni gamba yiinoho. Insa waajjo uddano uddidhe, saattu daro anga amadde ayirradu barcimiranna Ge'rechu albaanni uurrite,