FAARSO 72:12 - Qullaawa Maxaafa

¹² Qarraataamo woshshi'rannosi woyite gatisannosi; buxichonna gadadaamo kaa'lanno.

FAARSO 72:12 ပူးပေါင်းရင်းမြစ်များ

LAYINKI SAAMUEELI 14:16

‹Anenna beetto'ya Maganu mannisira uyino baatto aaninni hunara hasi'rannohu anganni gatisie.

IYYOOBI 29:12

Konne assitinohuno, kaa'lote raaranno qarraataamonna, towatannohu nookki anniweeloota kaa'loommohuraati.

IYYOOBI 36:15

Maganu manna qarrunni rosiisanno; iillitanno shetto widoonni qole gatisanno.

FAARSO 10:17

Kaaliiqa, gadadaammu huuccatto macciishshite, jawaachishattonsa; maccakkino insa widira qolte,

FAARSO 102:17

Hawaminohunnita mannisi ku'lo macciishshanno; huuccattonsano lashshi diassanno.

FAARSO 55:17

Soodo, barranna hashsha isira qaxxadheemmo; isino qoonqo'ya macciishshanno.

FAARSO 72:4

Moote buxanete halaale coyi'ro; gadadaamma kaa'lo; gadadissannore irraawiso.

LAWISHSHA 29:7

Keeraanchu manchi buxanete daafira coyi'ramanno; bushu manchi kayinni hattoore diegennino.

ROSIISAANCHO 4:1

Xaano kalqete aana assinanni beebba afoommo; gadadantinori sheshifachishannonsaha hoogge wi'litanna laoommo. Roorre baala gadadissannonsarita ikkitinohura kaa'lannonsaha diafidhino.

ISAYAASI 41:17

«Buxanenna gadadaammu waa hasidhe hoogganno; kokkensa goo'rotenni mooltanno woyite, ani Kaaliiqi huuccattonsa macciishsheemmo; ani Israeelete Magani horo diagureemmonsa.

LUQAASI 4:18

«Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

LUQAASI 7:22

Yesuusi Yohaannisi sokkaanora, «Hadhine la'inoonnirenna macciishshitinoonnire baala Yohaannisira kullesi. Ballootu la'anno; naafootu uurrite hadhanno; dhiigaammu keeraabbanno; macciweelootu macciishshitanno; reyitinori ka'anno; buxanete Dancha Duduwo kullanni.

LAYINKI QORONTOOSI 8:9

Ki'ne Mootichinke Yesuusi Kiristoosi elto egentinoonni; isi dureessa ikke hee'renni buxe, ki'ne duroo'mitinanni gede ki'ne daafira yee buxicho ikkino.

IBIRAAWOOTA 7:25

Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.

UMI SAAMUEELI 22:2

Kadantinori, asalu noonsarinna injo bushshinonsari mitteenni 400 ikkanno manni isiwa shiqi; isino sooreessansa ikki.