FAARSO 72:10 - Qullaawa Maxaafa

¹⁰ Terseesinna giddichuwate mootoolla giwire abbitosi; Arabetenna Saaba mootoolla afansha haadhe daggosi.

FAARSO 72:10 ပူးပေါင်းရင်းမြစ်များ

KALAQAMA 10:7

Kuushi ooso: Saaba, Hawiila, Saabita, Raaimaatinna Sabitekaati. Raaima ooso, Saabaatinna Dedaaniiti.

UMI MOOTOOLLA 10:1

Saaba mootitte Kaaliiqi Selemoonira maala'linanni egenno uyinota macciishshitu. Kunnira lowo geeshsha qarrissanno xa'monni fonqolte la'asira Yerusaalame hadhu.

UMI MOOTOOLLA 10:10

Saaba mootitte massitinosi afansha baala Selemoonira uyitusi. Culka 4,000 kiilo roorannoha, lowo geeshsha bati'ra shittonna dilqa kincho massitinosi. Ise uyitinosi shitto hakkunni gedensaanni massinoonnisi shitto baalatenni lowo geeshsha roorete.

UMI MOOTOOLLA 10:2

Lowo manni dukkiseennase gaallate shitto, ayirrado ilkanna lowo culka hogobbe hadhu. Selemooni ledo xaadde wodanisenni heddinore baala xa'mitusi.

UMI MOOTOOLLA 10:25

Isiwa daannohu baalu diru dirunkunni birranna culka, imaana, olu bagado, shitto, faradonna gaangoota haa're abbannosi.

LAYINKI DUDUWO 9:21

Selemoonira Kiraami manni ha'risannoti lowo baari aana ha'ra dandiitanno markabbano noosi. Tinino sasu sasu dirinni culka, birra, daaniichu hinko, qamalenna galado haadhe abbitannosi.

ASTEERI 10:1

Moote Arxekisiisi gashshootisi giddo hala'lado baattoranna giddichuwate hee'ranno manni baalu giwire gabbaranno gede hajaji.

FAARSO 45:12

Xiroosi seenni afansha haa're abbannohe; dureeyye baxantahera yite albakkiinni loollaabbanno.

FAARSO 68:29

Yerusaalamete noohura Qullaawu Minikki daafira yite, mootoolla atera afansha haadhe dagganno.

FAARSO 68:30

Umonsa heeshshi assite birransa uyitahe geeshsha, shomboqqote giddo galanno moyicho Gibitse, dagate mereero heedhannore woraammanna middo rufi! Ola kayissara hasidhannore billaallisi!

ISAYAASI 42:10

Ki'ne baaru aana hadhinanniri, baaru giddo heedhinanni kalaqami baalu, Kaaliiqira haaro faarso faarse! Xeerto gobbara heedhinanniri baalu faarse!

ISAYAASI 42:4

Baattote aana taashshe gashsha, darga amadda geeshsha, dicee'manno; hexxono dimudhanno; xeertote noo daga isi kulannore macciishshite quqquxantanno» yaanno.

ISAYAASI 43:3

Ani Israeelete Qullaawi Magani'ne Kaaliiqi gatisaancho'neeti; ki'ne wodate yee, Gibitse Itiyophiyanna Saaba diininsara sayise eemmo.

ISAYAASI 43:6

« ‹Ooso'ya xeertote gobbanni daggona hooltinoontensa› yee, Aliyyeenninna wodiidoonni noo gosara kuleemmo.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 60:3

Daga caabbichikkiwa, mootoollano soodimari xawaabbikkiwa dagganno.

ISAYAASI 60:6

Midiyaaminninna Efa yinanniwiinni dagganno gaalaasine baatto'ne wo'mitanno. Culkanna hixaana haadhe Saabanni dagginori baalu, Kaaliiqi galata lallabbe kultanno.

ISAYAASI 60:9

Israeelete Qullaawi Magani'ne Kaaliiqi, ayirrisino'ne daafira isi ayirrinyira yite, Terseesi markabba ooso'ne birrinsanna culkinsa ledo, xeerto gobbanni haadhe abbitanno.

MAATEWOOSI 2:11

Minira e'e qaaqqo amasi Maariyaami ledo nooha affe, guluphite kumbuultusi. Hakkunni gedensaanni ogorransa fante culka, hixaananna kaarbe afansha assite uyitusi.