FAARSO 71:5 - Qullaawa Maxaafa

⁵ Mooticha! Ati hexxo'yaati; Kaaliiqa! Ati anje'yanni kayisse addaxxeemmoheho.

FAARSO 71:5 ပူးပေါင်းရင်းမြစ်များ

UMI MOOTOOLLA 18:12

Ani kawiichinni ka"anni hee'reennanni ate Maganu Ayyaani anfannikkiwa haa're ha'rihero ani hiikka higeemmo? Akiaabira konniicho noottota kuleenna daye ate hooganno woyite ane shaannoe. Ani anje'yanni kayise Kaaliiqa waajjeemmoha ikkoommota ati egennootto.

LAYINKI DUDUWO 34:3

Iyosiyaasi moohihunni settikki diro, anjenni hee're albi annisiha moote Daawiti Magano Kaaliiqa magansi'ra hanafi. Shoolu diri gedensaanni daga magansidhanno darguwa, Asheera mokkollonna wole misilla baala Yerusaalametenninna Yihudunni guda hanafi.

FAARSO 119:166

Kaaliiqa'ya, gatisaanchimmakki hexxotenni agadheemmo; hajajokkino wonsheemmo.

FAARSO 119:81

Kaaliiqa'ya ballo, ati gatisattoera agadhanni, lowo geeshsha daafuroommo; ikkirono hexxo'ya qaalikki aana wodheemmo.

FAARSO 13:5

Ani kayinni bagamannokkiha baxillekki addaxxeemmo; wodani'yano gatisaanchimmakkinni hagiidhanno.

FAARSO 39:7

Mooticha'ya, ate agurranna, ani wole dihexxeemmo.

FAARSO 42:11

Lubbo'ya ballo, mayira dadillatta? Mayira daassattae? Xaano galagale Magano gatisaancho'ya galaxxeemmona, atino iso hexxi.

FAARSO 71:17

Magano'ya anje'yanni kayisse rosiisoottoe; anino techo geeshsha dhaggenniha loosokki duduwanni noommo.

ROSIISAANCHO 12:1

Bushu barri dayikkinni, «Tashshi diyiinoe» yaatto diri iillikkinni anjekki yannanni Kalaqaanchokki qaagi.

ERMIYAASI 14:8

Ati Israeelete hexxo ikkoottohu, qarru yannara gatisattonkehu, baattonkera wosinchonna, hashsha calla gale ha'ranno doogaasinchi gede mayira ikkitto?

ERMIYAASI 17:13

Kaaliiqa! Ati Israeelete hexxooti; ate agurtannori baalu saalfattanno. Heeshshote buicho ikkoottoha ate Kaaliiqa agurtannori, bukote aana borreessinoonni su'mi gede ikkite ba'anno.

ERMIYAASI 17:17

Qarru barra ati golo'yaatina, waajjishshootie.

ERMIYAASI 17:7

«Ane Kaaliiqa hexxannohunna, ane hawaqi're hee'rannohu maassaminoho.

ERMIYAASI 50:7

Afihu baalu bala tuginonsa; diininsano, ‹Assitino cubbilla amadinonsana, ninke assinoommonsari dino. Halaalaanchu qanchinsara, akaakkansa hexxite heedhino Maganira, badhe wodhitino daafiraati› yaanno.

LUQAASI 2:40

Qaaqquno lophe jawaata ikki; afano wo'mitusi; Maganu eltono ledosi no.

ROOMU SOKKA 15:13

Hexxo'ne Qullaawu Ayyaani wolqanni lophitanno gede, hexxo aanno Magani amma'nitinoonnisi daafira hagiirrenna keere wonsho'ne.

LAYINKI XIMOOTEWOOSI 3:15

Anjekkinni kayisse Kiristoosa Yesuusa ammanatenni, gato afi'nanni roso uyitannota Qullaawa Borrono afootto.

UMI SAAMUEELI 16:13

Saamueelino buudaho noo zayite haa're roduuwisi albaanni buurisi. Hakko barrinni kayise Kaaliiqi Ayyaani Daawiti aanira dirre wolqa wonshisi. Saamueelino kae Raama ha'ri.