FAARSO 71:21 - Qullaawa Maxaafa

²¹ Albinni roore ayirrado assattoe; galagalchite jawaachishattoe.

FAARSO 71:21 ပူးပေါင်းရင်းမြစ်များ

LAYINKI SAAMUEELI 3:1

Saaoolinna Daawiti manni lowo yanna olamanni keeshshi. Ikkeennano, Daawiti jawaante lexxanna, Saaooli mini kayinni wolqa ajanni dayi.

FAARSO 18:35

Gargadhinannita wonqokki oottoe; angakkino irkisse amaddannoe; towanyokkino jawa assitinoe.

FAARSO 23:4

Reyo lawanno tunsichi giddoonni hige ha'rummoro nafa, ati ledo'ya nootto daafira diwaajjeemmo; siqqichokkinna wodambichikki sheshifachishshannoe.

FAARSO 32:10

Bushuullu lowo qarri aana ubbanno; Kaaliiqa addaxxitannore kayinni maaro doyissitannonsa.

FAARSO 72:11

Mootoolla baala kumbuultosi; daga baalanti gashshantosi.

FAARSO 86:17

Kaaliiqa ballo, ellekki malaate leellishie; ati kaa'lattoetanna jawaachishattoeta, gibbannoeri affe saalfattanno.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 49:13

Kaaliiqi mannasi diggi assanno daafiranna, shettinoreno mararanno daafira, gorduwa, faarse! Baatto, tashshi yoohe! Ilaalla, ilillisse!

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

LAYINKI QORONTOOSI 2:14

Ikkollana, wo'ma woyite Kiristoosinni qeellennire assanni, ninke widoonni qole darga baalaho egennosi su'niille iillishanno Maganira galatu galosi.

LAYINKI QORONTOOSI 7:13

Jawaantoommohu kunninniiti. Ninke jawaante calla ikkitukkinni, Tiito wodani ki'ne baalunkunni fooliishshi'rinota anfe lowo geeshsha hagiidhinoommo.

LAYINKI QORONTOOSI 7:6

Dadillitinore jawaachishanno Magani kayinni, Tiito daa widoonni qole jawaachishinonke.

UMI TESELONQE 3:9

Kuneeti xa ki'ne daafira Maganonke galaxxineemmo; ki'nenni kainohunni Isiwa noonke hagiirri daafirano galaxxineemmosi.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.