FAARSO 7:6 - Qullaawa Maxaafa

⁶ Kaaliiqa ballo, aarikkinni kai. Baarigaarra'ya hanqi aana kai; halaalaancho yoo hajajoottote garinni, Magano'ya ballo, ka'e kaa'lie!

FAARSO 7:6 ပူးပေါင်းရင်းမြစ်များ

LAYINKI SAAMUEELI 17:14

Abeseloominna Israeelete manni baalu, «Kuusi mali Akixoofeeli malinni rooranno» yii. Kaaliiqino Abeseloomira bao dagganno gede assara yee woyyitannosita Akixoofeeli amaale adhantannokki gede assino.

FAARSO 103:6

Kaaliiqi kadantinorira halaale coyi'ranno; maaxamino halaale fushshanno.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 138:7

Qarru gaangeessannoe woyite, lubbotenni worattoe; aarunni ka'inoe diinna gante, wolqakkinni gatisattoe.

FAARSO 143:3

Baarigaari'ya hasanni hoode daye qeele angara qo'linoe; tunsichu giddono usurinoe; bi're bi're reyino manni gedeeha ikkoommo.

FAARSO 3:7

Kaaliiqa'ya, kaie! Magano'ya, gatisie! Diinna'ya baqqaalla facattohu, cubbaataammu hinko hiiqqaqqattohu ateeti.

FAARSO 35:1

Kaaliiqa ballo! Gibbannoere giwi; qassannoere qasi.

FAARSO 35:23

Xaano Mooticha'ya ka'e halamie; Magano'ya ballo coyi'ramie.

FAARSO 44:23

Kaaliiqa! Goxxootina, kainke! Kainke! Hegere geeshsha callachishshootinke.

FAARSO 44:26

Kaaliiqa ballo! Ka'e kaa'linke! Bagamannokkihu baxillikkira yite wodinke.

FAARSO 59:5

Olantote Magano ikkoottohu, Israeelete Magano Kaaliiqa, daga baalanta qorichishattora kai; sayisse hirtannore bushuulle baala marartooti.

FAARSO 73:20

Ati ka"atto woyite, haaqii'noonni haaqee gede hawantanno.

FAARSO 74:3

Diinu diige huninoha Qullaawa Mine, konne co'o bainoha ka'anna kawa ha'rante lai.

FAARSO 78:65

Mootichuno goxanotenni kainohu gede ikke kai; woyinete xajje agino bareedi gede ikki.

ISAYAASI 3:13

Kaaliiqi yoote barcimira ofolle, mannisira yoo yaara qixxaawe no.

ISAYAASI 33:10

Kaaliiqi daga baalate, «Xa ani mitto coye assammora kaeemmo; ayirrinye'yanna wolqa'ya leellisheemmo'ne.

ISAYAASI 37:20

Kaaliiqa Maganonke, ati callu Magano ikkoottota daga baala affanno gede xa Asoorootu anganni gatisinke» yaanni huucci'ri.

ISAYAASI 51:9

Kaaliiqa ballo kai! Ka'e wolqakki leellishi! Albi ilamara assittonte gede kainke! Reaabi murmuroottohu ateeti.