FAARSO 7:1 - Qullaawa Maxaafa

¹ Kaaliiqa Magano'ya, goli'ya ateetina, shorritannoeri baaluwiinni gatisse fushshie.

FAARSO 7:1 ပူးပေါင်းရင်းမြစ်များ

FAARSO 11:1

Ani Kaaliiqa golo'ya assi're hee'reenna, ki'ne manna, «Ceichote gede ilaallate widira higge xooqi» mayira yitinannieyya?

FAARSO 13:3

Kaaliiqa Magano'ya ballo, diini'ya qeeloommosi yaannoekki gede, la'e dawarie. Ani uweenna hagiidhitannokki gedenna, reyote aamameemmokki gede ille fanie.

FAARSO 13:5

Ani kayinni bagamannokkiha baxillekki addaxxeemmo; wodani'yano gatisaanchimmakkinni hagiidhanno.

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 18:28

Ati caabbicho'ya xawisattoena; ati Kaaliiqi Magani'ya tunsicho'ya haadhe hoolatto.

FAARSO 25:2

Magano'ya, ate addaxxoommona, saalaho tuggootie; baarigaarra'yano qacifattoonke"e.

FAARSO 26:1

Kaaliiqa ballo, wodani'ya keeraanchimma, ka'anna kawa yuummokkinni, ate addaxxoommota la'e halaale coyi'rie.

FAARSO 3:7

Kaaliiqa'ya, kaie! Magano'ya, gatisie! Diinna'ya baqqaalla facattohu, cubbaataammu hinko hiiqqaqqattohu ateeti.

FAARSO 30:12

Kunnira sammi diyeemmo; wo'mu wodani'yanni faarseemmohe; Kaaliiqa Magano'ya, hegerera galateemmohe.

FAARSO 30:2

Kaaliiqa Magano'ya, kaa'lattoe gede, atewa hige raaroommo; atino hursittoe.

FAARSO 31:15

Heeshsho'ya wo'manti angakki no; baarigaarra'ya anganninna shorritannoeriwiinni gatisie.

FAARSO 32:10

Bushuullu lowo qarri aana ubbanno; Kaaliiqa addaxxitannore kayinni maaro doyissitannonsa.

FAARSO 43:4

Hatte yannara, kakkallanni dargi Maganunnihuwa, hagiirsiisannoe Maganiwa mareemmo; ate Magano Magano'ya! Gingilaatunni galaxxeemmohe.

FAARSO 89:26

Isino, ‹Ati anna'yaati, Magano'yaati, golo'yaatinna gatisaancho'yaati› yaannoe.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ERMIYAASI 15:15

Hakkunni gedensaanni, «Kaaliiqa ati wo'manka coye egennootto; habbootiena, kaa'lie. Baarigaarra'ya rabbisie; baarigaarra'ya shitaera worte la'ooti; ate su'mira yee xonamanni noommota habbooti.

ERMIYAASI 20:11

Kaaliiqi kayinni bareedu olamaanchi gede ikke ane ledo no; kunnira shorritannoeri sarraaqante ubbanno; ubbeno shollitanno; shollinyinsano kullanna hee'ranno.

ERMIYAASI 31:18

«Efireemi, ‹Kaaliiqa! Ninke leenjinshoonnikki booti gedeereeti; ati kayinni hajajammeemmo gede seejjoottonke. Ati Kaaliiqi Maganonke ikkootto daafira, atewa qolinke, ninkeno hingeemmona.

DAANIEELI 9:4

Manni'ya assino sao daafira aagintaawanni, «Waajjinannihu gondoorokkinna bagamannokkiha baxillekki agarattohu Mooticha Magano'ya,

IMBAAQOOMI 3:1

Faarsote daninni shiqishinoti himanaanchu Imbaaqoomi huuccatto aante noote.

ZAKKAARIYAASI 14:5

Ki'neno ilaala lamewa beehe Etseeli yinanniwa iillino lagichi giddoonni higgine xooqqinanni. Yihudu moote Ooziya yannara, baatto milli yitu waro, akaakka'ne xooqqu gede ikkitine xooqqinanni. Kaaliiqi Magani'ya qullaawa sokkaasinesi baala hoodete adhe daanno.

IYYAASU 14:8

Ane ledo hadhinori kayinni, shashishshe manninke wodana daaqissino. Ani kayinni, Kaaliiqi Magani'yara ammanamatenni hajajamoommosi.

UMI PHEEXIROOSI 1:21

Ammana'nenna hexxo'ne Maganunni ikkitanno gede, Yesuusi widoonni amma'nitinoonnihanna iso reyotenni kayise ayirrinye uyinosi Magano addaxxe.

UMI PHEEXIROOSI 4:19

Kunnira, Maganu hedo garinni qarra adhanno manni, dancha coye assitanni lubbonsa gudisse ammanamino Kalaqaanchira eeggo uyidho.