FAARSO 69:33 - Qullaawa Maxaafa

³³ Maganu gadadaammu huuccatto macciishshanno; usurame nooha mannasi sammi yee diaguranno.

FAARSO 69:33 ပူးပေါင်းရင်းမြစ်များ

FAARSO 10:17

Kaaliiqa, gadadaammu huuccatto macciishshite, jawaachishattonsa; maccakkino insa widira qolte,

FAARSO 102:17

Hawaminohunnita mannisi ku'lo macciishshanno; huuccattonsano lashshi diassanno.

FAARSO 107:10

Mitu mitu usuranya ikkite beebbu tunsichira heedhino; usurante shettino.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 146:7

Shettinorira halaale coyi'ranno; hudidhinorira sagale aanno; usurantinore tire fushshanno.

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

FAARSO 34:3

Amme, ane ledo Kaaliiqi lowimma kulle; mittimmatenni su'masi ayirrinso.

FAARSO 34:6

Ani qarraataamu Kaaliiqiwa hige raarummo; isino macciishshie, qarri'ya baalunkunni gatisie.

FAARSO 68:6

Maganu callattinorira mine aannonsa; usurantinore tire hagiirsiisannonsa. haxawarrootu kayinni moola gobbara heedhanno.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

AMOOTSI 5:4

Kaaliiqi, «Israeelete manna, lubbotenni heedhinannina, ki'ne ane hasidhe.

AMOOTSI 5:6

Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

LUQAASI 4:18

«Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

EFESOONI SOKKA 3:1

Kiristoosi Yesuusi usuranya ikkoommohu ani Phaawuloosi, ki'ne Dagate daafira Magano huucci'reemmo.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.