FAARSO 69:13 - Qullaawa Maxaafa

¹³ Kaaliiqa'ya, ani kayinni macciishshate hasi'ratto yannara, ate huucci'reemmo; Magano, ati gatisate ootto hexxo wonshattoha ikkoottohura, bagamannokkihu baxillikki deerrinni dawarie.

FAARSO 69:13 ပူးပေါင်းရင်းမြစ်များ

KALAQAMA 24:27

«Mooticha'ya ammanamasinninna bagamannokki baxillisinni towatinohu mootichi'ya Abirihaami Magani Kaaliiqi galatamo» yii.

ASTEERI 5:2

Moote, mootitte Asteeri gobbaanni uurrite noota afe, baxannose daafira culkunnita siqqichosi ise widira qole akeeki. Iseno shiqqi yite culku siqqicho qacce kissu.

ASTEERI 5:6

Woyinete xajje agganni heedheenna moote Asteeri, «Hasi'roottare xa'mie, eemmohena; gashshooti'ya darate ikkiro nafa aammohera qixxaawaho?» yiise.

FAARSO 32:6

Kunnira, qarru lolahi iillannonsakki gede, keeraano baala yanna heedheenna, ate huuccidho.

FAARSO 51:1

Magano! Bagamannokkihu baxillikki deerrinni maarie; maarokki batinyi deerrinni cubbo'ya agurie.

FAARSO 91:15

Woshshi'rannoe woyite, ‹Yee› yeemmosi; qarramanno yannara ledosi hee'reemmo; gatiseemmosi; ayirrado asseemmosi.

FAARSO 98:3

Israeelete mannira ammanamasinna bagamannokkiha baxillesi leellishi; gosa baala Maganinke gatisanno gara affu.

ISAYAASI 49:8

Kaaliiqi, «Ani baxoommo yannara huuccattokki macciishshoommohe; gatote barrano kaa'leemmohe. Galagalchite gobba dhaawatto gede, diigantinota dargase qolatto gede, ate widoonni hige daga baalate ledo gondooro e"eemmo.

ISAYAASI 55:6

Kaaliiqa leellanno yannara hasidhe; shiqqi yee hee'reenna woshshidhe.

ERMIYAASI QURTO 3:63

Soodinni hawarro geeshsha, ane sirbunni kissannoe.

MIKIYAASI 7:20

Bi're albi dirinni kayisse annuwankera oottonsa hexxo garinni, Yaiqoobira ammanamakki, Abirihaamira bagamannokkiha baxillekki wonshi.

LUQAASI 1:72

Hatto yiinohu, annuwankera maarosi leellisharanna, coyi'rinoha qullaawa gondooro wonshara hedeeti.

LUQAASI 22:44

Wodana lowo geeshsha yaadino daafira duu're huucci'ranni no. Hunkuuno mundeete gede ikke uullate aana coccoi.

LAYINKI QORONTOOSI 6:2

Maganu, «Injiitino yannara macciishshoommohe; gatote barrano kaa'loommohe» yaanno daafira, kuneeti injiitino yanna xaati; gatote barrino techooti.

IBIRAAWOOTA 5:7

Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.

UMI PHEEXIROOSI 2:23

Xontannasi qole dixonino; qarra adhanni hee're halaale coyi'ranno Maganira eeggo uyino ikkinnina, qole direewino.

UMI SAAMUEELI 25:8

Insa xa'mittoro nafa kultannohe. Kune ninke techo jilu aana dangoommona, mararte sagale aattonke gede beettikki Daawiti soyinonke› yitine kulle» yee soyi.