FAARSO 68:7 - Qullaawa Maxaafa

⁷ Magano! Mannikkira albaanni fulitto waro, halallitte gobba giddoonni higge saitto waro,

FAARSO 68:7 ပူးပေါင်းရင်းမြစ်များ

FAARSO 107:34

Hakkiicho hee'ranno manni bunshenni kainohunni, shaqqado gobba maxinete baatto gedeeta ikkitu.

FAARSO 146:7

Shettinorira halaale coyi'ranno; hudidhinorira sagale aanno; usurantinore tire fushshanno.

FULO 13:21

Hashshanna barra hadhanno gede, Kaaliiqi barra gumichu heelliichonni, hashsha giirate heelliichonni massaginsa.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

MIKIYAASI 2:13

Maganu mannasi qafadotenni fushshara hala'lado doogo fanannonsa. Qafadante noo katami cufanano hiiqqite keerunni fultanno. Kaaliiqi umisi mootensa ikke albansaanni ha'ranni massagannonsa.

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

EJJEETTO 4:14

Hatte yannara Diboora Baaraaqi, «Kai, Kaaliiqi Sisaara angakkira sayise uyino barri konneeti; kuneeti Kaaliiqi balaxe albakkiinni fulino» yitusi. Baaraaqino 10,000 manna hoodete adhe Taaboori Ilaali aaninni dirri.

EJJEETTO 5:4

Kaaliiqa, ati Seiiri Ilaalinni fulitto yannara, Edoomi gobbanni kaitto yannara, baatto huxidhu. Gorduwano xeena facci assite agurtu; gomichuwano waa lolaassu.