FAARSO 68:6 - Qullaawa Maxaafa

⁶ Maganu callattinorira mine aannonsa; usurantinore tire hagiirsiisannonsa. haxawarrootu kayinni moola gobbara heedhanno.

FAARSO 68:6 ပူးပေါင်းရင်းမြစ်များ

FAARSO 10:14

Ati Maganu kayinni qarranna shetto la"atto; wo'manka woyite towatate qixxaawaho; hawaaxamu irkisattosira atewa shiqanno; annanna ama hoogginoreno ati kaa'latto.

FAARSO 107:10

Mitu mitu usuranya ikkite beebbu tunsichira heedhino; usurante shettino.

FAARSO 107:14

Beebbu tunsichi giddonni fushshinsa; usurroonninsata siwiilu cagaageno tattayisi.

FAARSO 107:34

Hakkiicho hee'ranno manni bunshenni kainohunni, shaqqado gobba maxinete baatto gedeeta ikkitu.

FAARSO 113:9

Ilaweelo mancho ilate ama assannose. Kaaliiqira galatu iillosi.

FAARSO 146:7

Shettinorira halaale coyi'ranno; hudidhinorira sagale aanno; usurantinore tire fushshanno.

FAARSO 69:33

Maganu gadadaammu huuccatto macciishshanno; usurame nooha mannasi sammi yee diaguranno.

LAWISHSHA 23:11

Kaaliiqi golonsaatina, insa daafira isi coyi'ramanno.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

HOOSEI 2:3

Higa hoogguro kayinni, imaanase mulqe ilantu barri gede mullicho asse agureemmose. Moola baatto gede asseemmose; wayi goo'rono shitannose.

MILKIYAASI 1:3

Eesawu kayinni giwoommo. Eesawuta gaaraame gobba moola asse aguroommo. Hattenne gobba yeedaala findiriiqqannota assoommo» yii.

SOQQAMAASINETE LOOSO 16:26

Hakko mereero hedeweelcho baatto shafanteenna, usuru mini tenqe yii. Cufanna baala mitteenni fa'nantu. Usuranyu baalunku cagaageno tatta'u.

GALATIYU SOKKA 4:27

Maganu qaali giddo, «Ati iloottakki gaana hagiidhi! Ati gamaa'mite egennoottakkiti, qoonqokki naggi assite ilillisi. Galte afidhinotenni roore, galte afidhinokki mancho lowo ooso iltino» yine borreessinoonni.

MARRO 10:18

Isi annanna ama afidhinokkiriranna gunnootaho coyi'rannonsa. Manninke ledo hee'rannoha manni gobba mannano sagalenna imaana aanni towatannonsa.

UMI SAAMUEELI 2:5

Duubbe heedhannori hudidhe mannaho soqqantanno; hudidhe heedhannori sagale duubbanno. Gaana lamala iltanno; lowo ooso ama ilaweeltanno.