FAARSO 68:29 - Qullaawa Maxaafa

²⁹ Yerusaalamete noohura Qullaawu Minikki daafira yite, mootoolla atera afansha haadhe dagganno.

FAARSO 68:29 ပူးပေါင်းရင်းမြစ်များ

UMI MOOTOOLLA 10:10

Saaba mootitte massitinosi afansha baala Selemoonira uyitusi. Culka 4,000 kiilo roorannoha, lowo geeshsha bati'ra shittonna dilqa kincho massitinosi. Ise uyitinosi shitto hakkunni gedensaanni massinoonnisi shitto baalatenni lowo geeshsha roorete.

UMI DUDUWO 29:3

Kuri qixxeessoommori gobbaanni, Maganu Minira laalaatoommo daafira umi'ya jajji giddonni lowo birranna culka oommo.

LAYINKI DUDUWO 32:23

Lowo manni Kaaliiqira fushshaate, moote Hiziqiyaasira qole afansha haa're Yerusaalame dayi. Hatte yannanni kayise mannu baalu Hiziqiyaasi lowo geeshsha ayirrisisi.

LAYINKI DUDUWO 32:33

Hiziqiyaasino reenna aleenni nootera Daawiti ilama waammara madaarroonnisi. Yihudunna Yerusaalamete manni baalu fule lowo ayirrinyinni madaarinosi. Beettisi Minaase isi darga moohino.

NEHIMIYA 2:8

Hattono Asaafi yinannihu, mootete dubbo agarannohu, Qullaawu Mini huxxi waalchira katamu huxxiranna ani galeemmo minira ikkitanno haqqe kadhate borrote sokka uyinannie gedeno xa'mi'rummo. Dancha Maganu anga ledo'ya noo daafira, moote xa'mi'roommore baala uyie.

FAARSO 45:12

Xiroosi seenni afansha haa're abbannohe; dureeyye baxantahera yite albakkiinni loollaabbanno.

FAARSO 76:11

Magani'ne Kaaliiqira xa'nitinoonnire uuyye; qooxeessaho heedhinoonni gashshaano baala, waajjinanni Maganira afansha abbe.

ISAYAASI 18:7

Olantote Mootichi Kaaliiqi, gosa baala waajjitannori shaqqadu bisiri, hojjaameeyye, wolqaataammu, jawaatootunna gobbansa wayibba beekkinoriwiinni fushshaate adhanno barri daanno. Insano Olantote Mooticha Kaaliiqa magansi'nanniwa Tsiyooni Ilaala dagganno.