FAARSO 67:7 - Qullaawa Maxaafa

⁷ Maganu maassi'ronke; baattote aana noo gosa baalano ayirrissosi.

FAARSO 67:7 ပူးပေါင်းရင်းမြစ်များ

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

FAARSO 29:11

Kaaliiqi mannisira wolqa aanno; Kaaliiqi mannasi maassi're keere woranno.

FAARSO 33:8

Baattote aana heedhinanniri baalu Kaaliiqa waajje; kalqete aana heedhinanniri baalu iso ayirrisse.

FAARSO 65:5

Magano gatisaanchonke! Dhegge loosse dawaro qoloottonke; baara widoonni noorinna baattote qaccera heedhannori baalu ate hexxitanno.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FAARSO 98:3

Israeelete mannira ammanamasinna bagamannokkiha baxillesi leellishi; gosa baala Maganinke gatisanno gara affu.

ISAYAASI 30:23

Wixidhinanni jajja lossa'neranna lowo gide laashsha'nera Kaaliiqi xeena dirrisanno'ne; saada'ne hossannota hala'lado hayisso gobba aanno'ne.

ISAYAASI 43:6

« ‹Ooso'ya xeertote gobbanni daggona hooltinoontensa› yee, Aliyyeenninna wodiidoonni noo gosara kuleemmo.

ISAYAASI 45:22

«Ane agurranna wolu magani nookki daafira, baattote qacce geeshsha heedhinoonniri baalu, anewa daggine gato afidhe.

ISAYAASI 52:10

Maganinke Kaaliiqi daga baalate wolqasi leellishanno; gobba baalano gatisaanchimmasi la'anno.

LEEWAAWOOTA 26:4

xeena yannatenni eemmo'ne; baatto gide fushshitanno'ne; haqqeno laalo uyitanno'ne.

MIKIYAASI 5:4

Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno.

ZAKKAARIYAASI 8:12

Gidensa keerunni wixidhanno; woyinensano lowo laalo amaddanno; lowo xeeni hee'ranno daafira, baatto lowo gide uyitanno; gatino manni'yara konne baala atoote eemmonsa.

ZAKKAARIYAASI 9:10

Ani Kaaliiqi olu faradi gaare Israeeletenni huneemmo; faradono Yerusaalametenni hooleemmo; olu bagadi baalunku hiiqqaqqamanno. Moote'ne dagate mereero araara kalaqanno; mootimmasino baaru qaccenni qaccete geeshsha iillitanno. Gashshootisino Efiraaxisi Wayinni kayise, gobbate qacce geeshsha iillanno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MILKIYAASI 4:2

Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

SOQQAMAASINETE LOOSO 13:26

«Ki'ne roduuwa'ya, Abirihaami sirchinni ilantinoonnirinna Magano waajjitinanni daga baala, kuni gatote qaali dayinohu ninkeraati.

SOQQAMAASINETE LOOSO 13:47

Hatto assineemmohu, Mootichu ‹Gato'ya gobbate qacce iillishatto gede, dagate caabbicho assoommohe› yee hajajinonke garinniiti» yite kultunsa.

SOQQAMAASINETE LOOSO 2:28

Heeshshote doogo egensiisoottoe; ane ledo hee'rakkira hagiirri'ya wo'ma ikkanno› yaanno.

GALATIYU SOKKA 3:14

Kuni ikkinohu, Maganu Abirihaamira uyino maasso Kiristoosi Yesuusi widoonni dagate iillitanno gedeetinna Maganu aara coyi'rinoha Qullaawa Ayyaana amma'natenni adhineemmo gedeeti.

GALATIYU SOKKA 3:9

Kunnira, amma'nitinori ammanate manchi Abirihaami ledo mitteenni maassantanno.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.