3 Magano! Ate gosa galattohe; daga baala galattohe.
Ate galatanni hee'reemmo gede diro'ya seedisie; yookkino kaa'litoe.
Assoottoe shaqqilli daafira mannikki mereero galateemmohe gede, usuru mininni fushshie.
Su'mikki ilamate ilamara qaagamanno gede asseemmo; kunnira, hegere hegerera daga galattannohe.
Magano! Ate gosa galattohe; daga baala galattohe.
Qarraataammu saalfatte higgoonke; qarraataammunna buxane ate galattohe.
Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.
Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.
