FAARSO 64:4 - Qullaawa Maxaafa

⁴ Keeraancho dugge qassara digaana gonnitanno; waajjitukkinni hedeweelcho idditanno.

FAARSO 64:4 ပူးပေါင်းရင်းမြစ်များ

LAYINKI SAAMUEELI 15:14

Daawitino Yerusaalamete ledosi noo gashshaano baala, «Ka'e ranke xoonqona. Hakkuyi ka'a kayinni Abeseloomi daye gudannonke; angasinni gatannohu dihee'ranno. Katamu giddo nooha baalano gudanno» yiinsa.

NEHIMIYA 4:11

Diinnanke ninke aana bala tugge shitankeranna loosonke uurrissara dagganno woyite anfeemmonsakkiha lawinonsa.

FAARSO 11:2

Tunsicho go'lite wodana subbinore qassara, kuneeti cubbaataammu digaanansa bedeedde, worbichonsa wodhite agarte no.

FAARSO 55:19

Bunshete doogonsanni higgannokkihuranna Maganono waajjitannokki daafira, hundunni kayise gashshino Magani huuccatto'ya macciishshe shollishannonsa.

FAARSO 55:22

Isi irkisannohena, yaaddokki Maganu aana tugi; isi keeraancho qeelamara wore dila"anno.

FAARSO 57:5

Magano! Iima gordoho ayirri; ayirrinyikki gobba baalate leello.

FAARSO 64:7

Maganu kayinni insa maxxunni qasanno; insano hedeweelcho madidhanno.

IMBAAQOOMI 3:14

Olanto hombobalattete gede billaallissankera, wolqa hooginoha runkutte amadde hagiidhitara daggu yannara, olantote hajajaanchi umo urdesinni qasootto.

YOHAANNISI 19:6

Qeesootu roorrootinna Qullaawu Mini agaraasine Yesuusa affe, «Suti! Suti!» yitanni cancitu. Philaaxoosi kayinni, «Ane woyite assino bunshe diafoommona, ki'ne massitine sutte» yiinsa.

UMI SAAMUEELI 18:11

Qoleno, «Xarrate ledo laddeemmo» yee hede Daawitira amaxxo 2 hige tuqqi. Daawiti kayinni lamentera miliqe gati.

UMI SAAMUEELI 19:10

Saaooli xarrate ledo laddasira hede amaxxo oli. Daawiti kayinni miliqeenna amaxxo marte xarrate lixxi yitu. Daawitino fule xooqi.