FAARSO 63:3 - Qullaawa Maxaafa

³ Bagamannokkihu baxillikki heeshshotenni rooranno daafira, suumma'ya galattannohe.

FAARSO 63:3 ပူးပေါင်းရင်းမြစ်များ

FAARSO 21:6

Hegere maasso aattosi daafira, mulesi hee'ratenni hagiirsiisattosi.

FAARSO 30:12

Kunnira sammi diyeemmo; wo'mu wodani'yanni faarseemmohe; Kaaliiqa Magano'ya, hegerera galateemmohe.

FAARSO 30:5

Hanqisi shiima yannaraati; shaqqillisi kayinni hegereraati. Hashsha wi'linanni galliro nafa, soodanno woyite hagiirre afi'nanni.

FAARSO 4:6

Lowo manni, «Danchare ayi leellishannonke? Eeggotena Kaaliiqa shaqqillikkinni lainke» yaanno.

FAARSO 42:2

«Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

FAARSO 51:15

Mooticha'ya, arrawi'yanni galatakki duduweemmo gede, afoo'ya fanie.

FAARSO 66:17

Qoonqo'ya naggi asse iso huucci'roommo; galata'yano shiqishi'roommosi.

FAARSO 68:25

Faarsaano albaanni, muuziiqu uduunne gantannori badheenni, dibbe gananno seenni mereeroho hee're,

FAARSO 69:16

Kaaliiqa! Bagamannokki baxillikkira yite dawarie; mararrokki batinyinni anewa higge lai.

FAARSO 96:6

Ayirrinyunna gaamaarre gaangeessitinosi; jawaantenna xumme Qullaawa Minesi no.

FULO 33:18

Muse Kaaliiqa, «Maahoyye hakkawoteetiro, ayirrinyikki gaamaarre leellishie» yii.

HOOSEI 14:2

Maganunniwa higgine, «Cubbonke baalanka agurinonke; dancha heeshshonkenni hagiidhi. E'noommo gondoori garinni suumenke laalcho galatanke shiqishi'neemmohe.

ROOMU SOKKA 12:1

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

ROOMU SOKKA 6:19

Ani ayerano leellanno garinni xawise coyi'reemmohu, ki'ne buuxxinannikkire ikkitinoonnihuraati. Alba mannimma'ne baala saaliweelletenna bunshete borojje assitininte gede, xa kayinni mannimma'ne qullaawa assate keeraanchimmate borojjimmara sayissine uuyye.

UMI QORONTOOSI 6:20

Waagunni hidhinoonni'nereeti; kunnira mannimma'nenni Magano ayirrisse.

FILIPHISIYUSI SOKKA 1:23

Lamente hedonni daddawamoommo; ha're Kiristoosi ledo hee'rammora quqquxameemmo; hatti roore woyyitannoe.

IBIRAAWOOTA 13:15

Kunnira, Yesuusi Kiristoosi widoonni qolle wo'ma woyite galatu kakkalo Maganoho shiqinsho. Tini kakkalo suumenkenni, «Isi Mootichankeeti» yine uyineemmote.

UMI YOHAANNISI 3:2

Jaalla'ya, xa ninke Maganu oosooti; hiittoore ikkineemmoro xaara dixawinsoonninke; Kiristoosi daanno waro kayinni, ayimmasi anfeemmo daafira, iso lambeemmota egenninoommo.