FAARSO 61:8 - Qullaawa Maxaafa

⁸ Anino atera xa'noommo xano barru barrunkunni aanni, wo'manka woyite su'mikkira faarseemmo.

FAARSO 61:8 ပူးပေါင်းရင်းမြစ်များ

LAYINKI SAAMUEELI 15:20

Dayottohuno muleetilla; mayira haa're raateesseemmohe? Ani wortuewa ha'reemmona, ati kayinni higi; mannakkino ledokki haadhe ha'ri. Kaaliiqi shaqqillisinninna ammanamasinni agarohe» yiisi.

FAARSO 146:2

Heeshsho'ya diri baalunkunni Kaaliiqa galateemmo; hee'reemmo diri baalunkunni Magani'yara faarseemmo.

FAARSO 30:12

Kunnira sammi diyeemmo; wo'mu wodani'yanni faarseemmohe; Kaaliiqa Magano'ya, hegerera galateemmohe.

FAARSO 40:12

Kiiro anfoonnikki bunshe doyissitinoe; cubbu amadeennae la"a hoogoommo; kiiro umi'ya danancho rooreenna hexxo ba'inoe.

FAARSO 65:1

Magano! Atera Tsiyooni galatu malinohe; ninkeno atera xa'ninoommo xano wonshineemmo.

FAARSO 71:22

Anino halaalaanchimmakki daafira, baganunni galateemmohe. Israeelete Qullaawa Magano! Maasinqotenni faarseemmohe.

FAARSO 79:13

Ninke mannikki, qanchikki ge'reewi kayinni, hegere geeshsha galanteemmohe; galatakkino beettu beettira kulleemmo.

FAARSO 89:5

Kaaliiqa, assootto dhaggera gordu galatohe; halaalaanchimmakki daafira keeraano songonsara faarsitohe.