FAARSO 61:4 - Qullaawa Maxaafa

⁴ Dukkanikki giddo hegerera hee'ra hasi'roommo; qoolakki go'la halchoommo.

FAARSO 61:4 ပူးပေါင်းရင်းမြစ်များ

FAARSO 15:1

Kaaliiqa, minekki galannohu ayeti? Qullaawu Ilaalikki iima hee'rannohu ayeti?

FAARSO 17:8

Illete diikkichi gede assite agarie; qoolikki giddo maaxie.

FAARSO 23:6

Shaqqillikkinna maarokki, heeshsho'ya diri baalunkunni baxxitannoekkita afoommo. Kaaliiqi mine hegerera hee'reemmo.

FAARSO 27:4

Kaaliiqa mitto coye huucci'roommo; hasi'reemmohuno hakkonneeti; hakkuno, heeshsho'ya diri baalankunni minesi hee'reemmo gede, Kaaliiqi danchumma laeemmo gedenna, Qullaawa Minesi hee're huucci'reemmo gedeeti.

FAARSO 57:1

Lubbo'ya ate addaxxitinona mararie; Magano ballo, mararie; qarru dambali sa"a geeshsha, qoolikki giddo maaxameemmo.

FAARSO 61:7

Magano! Isi albakkiinni hegerera moohe hee'rona, bagamannokkihu baxillikkinna halaalaanchimmakki agartosi.

FAARSO 62:7

Gato'yanna ayirrinyi'ya Maganunniiti; isi qiisho'yaatinna jawaata golo'yaati.

FAARSO 63:7

Ati wo'manka woyite kaa'loottoena, qoolikki caalira hee're faarseemmohe.

FAARSO 90:1

Mooticha'ya ati ilamate ilamara hee'neemmowaati.

FAARSO 91:1

Wo'munkura Aliidiha golosi assi'rannohu, Wo'manka Dandaanno Magani hunda caa'lanno.

FAARSO 91:4

Qoolisinni golannohe; towatannohe daafira keere hee'ratto; halaalisi ha'lannohe; agarannohe.

FAARSO 92:13

Tini haqqe Kaaliiqi nafara kaansoonnite; Qullaawa Minesi latte heedhanno.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

IBIRAAWOOTA 6:18

Soorramannokkihanna Maganuno kapha dandaannokkire lamenka hexxosinna xaarosi uyinonke. Kunni lamunku coyi widoonni albankeenni noo hexxo seekkine cu'mi'rate dandiineemmo gede, golo ikkannonkehu widira hinge xoonqoommori ninke lowo jawaante afi'neemmo.

YOHAANNIS AJUUJA 3:12

« ‹Qeelinoha Qullaawa Mine Magani'yahura tuuqo asseemmosi. Hakkunni ka'a hakkiinni horo difulanno. Magani'ya su'ma, Magani'yawiinni gordunni daannohunniha, haaru Magani'ya Katami Yerusaalamennihu su'manna aneha haaro su'ma aanasi borreesseemmo.

RUUTI 2:12

Assootta coyi baalunkura Kaaliiqi maassi'rohe; qoolisi giddo amadahera dayottahu Israeelete Magani Kaaliiqi ba'raa'ra oohe» yiise.