FAARSO 61:2 - Qullaawa Maxaafa

^2-3 Hexxo ba'annoe yannara, qae'yanni lowo geeshsha fafe hee're, atewa hige raareemmo; ati anera kinchu huxxaatina, diini'yawiinnino golo ikkite gatisie. Massite keeru noowa worie.

FAARSO 61:2 ပူးပေါင်းရင်းမြစ်များ

FAARSO 142:3

Hexxo mudheemmo woyite ma"assa hasiissannoero afino; baarigaarra'ya ha'reemmo doogora woshshaado wortue.

FAARSO 143:4

Kunninni kainohunni hexxo mudhate gamba yee, lowo geeshsha shetoommo.

FAARSO 17:1

Kaaliiqa ballo, keeraanchu wodaninni shiqishi'reemmota eeggo'ya, xagarro nookki afiinni fultannota huuccatto'ya macciishshie.

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 18:46

Kaaliiqi Heeshshonniho! Golo'ya ikkino Magani galatamo! Gatisannoe Magani ayirro!

FAARSO 27:5

Qarru yannara daasisi giddo maaxannoe; dukkanisi giddo gole amadannoe; kinchu aanano gotti asse uurrisannoe.

FAARSO 40:2

Fullannikki booninni, rirriwu giddonni fushshinoe; lekka'yano kinchu aana uurrisinoe; qaafo'yano suwisinoe.

FAARSO 42:6

Magano'ya ballo, lubbo'ya daassitannae, Yordaanoosi gobbara Hermooni Mizaari Ilaalira hee're qaageemmohe.

FAARSO 43:5

Lubbo'ya ballo! Mayira dadillatta? Mayirano daassattae? Xaano Magano gatisaancho'ya galaxxeemmona, atino iso hexxi.

FAARSO 55:5

Waajjillunna masillu dayie; qarruno beeshshe amadie.

FAARSO 62:2

Isi callu golo'yaati; gatisaancho'yaatinna, qiisho'yaati; kunnira, dargi'yanni ayino milli diassannoe.

FAARSO 62:6

Isi callu golo'yaatinna gatisaancho'yaati; isi qiisho'yaatina dargi'yanni milli assannoehu dihee'ranno.

FAARSO 77:3

Magano! Atere hedeemmo yannara dadilleemmo; heeshshi gotti asse laeemmo woyite jalli assie.

ISAYAASI 32:2

Mootenna ledosi gashshaano, mannu bubbetenna wishotenni go'lannowa ikkitanno. Halallitte gobbara lolahanno wayinna, molo baattora noohu lowo kinchi gede caale ikkitanno.

ISAYAASI 54:11

Kaaliiqi, «Ati shetoottati, hombobolatte shaffinoheti, wodana assi'roottakkiti Yerusaalame, ani dilqu kinchinni mineemmohe; bulu dilqu kinchinni safeemmohe.

LUQAASI 22:44

Wodana lowo geeshsha yaadino daafira duu're huucci'ranni no. Hunkuuno mundeete gede ikke uullate aana coccoi.

MARRO 4:29

Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.