FAARSO 60:8 - Qullaawa Maxaafa

⁸ Moaabi hayishshi'reemmo badirooti; Edoomi umi'yaha ikkinota egensiisate caamma'ya wodheemmowaati. Filisxeemoota qeeloommo daafira qeexaa'leemmo» yiino.

FAARSO 60:8 ပူးပေါင်းရင်းမြစ်များ

KALAQAMA 25:23

Kaaliiqino, «Godowikki giddo nooti 2 gosaati; mimmitoho sumuu yitannokkire 2 gosa ilatta; mittu ko'onne roore jawaata ikkanno; bayiru maa'neho soqqamaancho ikkanno» yiise.

KALAQAMA 27:40

Bagadaancho ikkatto; rodiikkirano borojjicho ikkatto; giwittoro kayinni gadadishshisiwiinni fulatto» yiisi.

LAYINKI SAAMUEELI 8:14

Edoomi gobba baalate olanto kunseentannowa seekki. Edoomootu baalu Daawiti angara higgu. Kaaliiqino Daawiti mariwa baala qeellenniha assisi.

UMI DUDUWO 18:13

Edoomi gobba baalate olanto kunseentannowa seekki. Hakkiicho hee'ranno manni Daawitira gabbarannoha ikki. Kaaliiqino Daawiti mariwa baala qeellenniha assisi.

KIIRO 24:18

Edoomi qeelamanno; Diinisi Seiirino isi angara higanno. Israeele kayinni qeeltino gedeenni heedhanno.