FAARSO 60:2 - Qullaawa Maxaafa

² Baatto shashshaffe daddarootto; diigante ba'ukkinni gamba assite gowi.

FAARSO 60:2 ပူးပေါင်းရင်းမြစ်များ

LAYINKI SAAMUEELI 22:8

Maganu hanqeenna baatto huxidhe shafantu; gordu safono milli yitu.

LAYINKI SAAMUEELI 8:1

Shiima yanna gedensaanni Daawiti Filisxeeme qase qeeli. Meteegi Aama yinanni Katamano angansanni adhi.

UMI DUDUWO 18:12

Tseruya iltinohu Abisa Maxinete Lagichira Edoomoota qase 18,000 manna shii.

UMI DUDUWO 18:3

Tsooba moote Hadaadiezeeri aleenni Efiraaxisi Wayi mule noo gobba amadara gaadi yannara, Daawiti iso Hamaati gobba iilla geeshsha qasino.

UMI DUDUWO 18:5

Demaasiqote hee'rannohu Sooriyu manni Tsooba moote Hadadiezeeri kaa'late manna soyi yannara, Daawiti olanto hakko manni giddonni 22,000 manna shitu.

LAYINKI DUDUWO 7:14

su'mi'yanni woshshaminohu manni'ya umonsa shollishe huucci'riro, eegamironna bunshetewiinni gaabbe higiro, gordoho hee're macciishsheemmonsa. Cubbonsano agureemmo; baattonsano hurseemmo.

IYYOOBI 5:18

Isi madiissanno; isinni gaga gananno. Angasi hiiqqitanno; angasi hursitanno.

IYYOOBI 9:6

Baatto darginni shafe kayisanno; baattote safo shashshafanno.

FAARSO 104:32

Isi baatto la"anno; iseno huxidhanno; ilaalla kisanno; insano wiliiltanno.

FAARSO 114:7

Ati baatto! Kaaliiqi albaanni, Yaiqoobi Magani albaanni waajjillunni qece yii.

FAARSO 18:7

Maganu hanqino daafira, baatto huxidhu; shafantu; ilaallate hundino milli yii.

FAARSO 89:40

Katamisi huxxano cancanootto; qiishubbasino diigootto.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

ISAYAASI 30:26

Kaaliiqi madiissinoha mannasi hursanno waro, aganu arrishshote gede xawanno; arrishshono albinni roore 7 ero xabbanno. Xawaabbiseno 7 barri xawaabbi geeshsha ikkanno.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 7:8

Mayira yiniro, Sooriyu umi Demaasiqotella; Demaasiqote umino mootensa Retsiiniiti; Israeeleno 65 diri giddo diigante billa biinxa fultanno.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

ERMIYAASI 14:17

Kaaliiqi anera leellannoere mare kuleemmonsa gede soyinoe. Anino, «Manni'ya lowo geeshsha madi'rino daafira, hashshanna barra ille'yanni hindiiddo lolakku.

ERMIYAASI 30:17

Diini'ne, ‹Tsiyooni tugame gatino; caaqqi yee la"annosihu dino› yiino daafira, ani keere eemmo'ne; mada'neno hurseemmo. Konne coye coyi'roommohu ani Kaaliiqaati» yii.

ERMIYAASI 4:24

Ilaallate widira qole laeemmo woyite, huxidhanni no. Gaarrano laoommo; insano shafantanni no.

ERMIYAASI 48:38

Moaabi hasi'nannikki uduunni gede asse hiiqqaqqoommo daafira minnanna gudumaalla wi'la callate.

ERMIYAASI QURTO 2:13

Yerusaalame! Baxamootta Yerusaalame! Kunni ka'a mayeemmo? Hiitto asse sheshifachisheemmohe? Togo shetinohu horonta wolu dino; dagginohe bao lowo baari gede dannu dinoote; hexxo assi'rattari mitturino dino.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

AMOOTSI 8:8

Kunni coyira baatto shafantanno; hatte gobbara hee'rannohu baalu wi'lanno; Abbayi Wayi wo'me iima hige kae galagale dirrannonte gede, gobba gudisante tenqe yitanno.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

MAATEWOOSI 27:51

Hatte yannara, Qullaawu Mini dukko alinni eeli geeshsha dadhante lamewa fultu. Uullano milli yitu; kinnano daddadhantu.