FAARSO 6:6 - Qullaawa Maxaafa

⁶ Urattotenni kainohunni daafuroommo; hashsha baala ma'na'yara hee're hindiiddi'reemmo; hindiiddo'yano goxeemmowa shanshitanno.

FAARSO 6:6 ပူးပေါင်းရင်းမြစ်များ

IYYOOBI 10:1

«Heeshsho giwissinoena, hasi'rummo gede coyi'reemmo; heeshsho'ya qaraartino gara leellisheemmo.

IYYOOBI 16:20

Jaalla'ya qacifattuero nafa, ani kayinni, Maganu albaanni hindiiddo'ya duneemmo.

IYYOOBI 23:2

«Raaranni hee'reennanni lede gananni nooe daafira, xaano qole Maganolla abbooshshi'reemmo.

IYYOOBI 7:3

hattonni noori nookkiha mulla haafa aganunni agana, qarru giddo hee're, hashshunni hashsha saoommo.

FAARSO 115:17

Beeshshi'ne hee'nanniwa jeennaate einohu reyino manni, Kaaliiqa galatara didandaanno.

FAARSO 30:10

Kaaliiqa, macciishshie; mararie; Kaaliiqa ballo, kaa'lie.

FAARSO 38:9

Mooticha'ya halcho'ya baala maatiro egennootto; uratto'ya baala macciishshatto.

FAARSO 39:12

Kaaliiqa'ya ballo, huuccatto'ya macciishshi; raare'ya hidhi; wi'la'ya lashshi assite la'ooti; ani tenne gobbaha di"ikkoommo; annuwa'ya gede anino shiima yanna wosinchooti.

FAARSO 42:3

Baarigaarra'ya wo'manka woyite, «Maganikki hiikko no?» yitannae, hashshanna barra hindiiddo sagale ikkitue.

FAARSO 69:3

Woxaratate batinyinni daafuroommo; kokkeno mooltue; Magano'ya agadhanna ille xissitue.

FAARSO 88:11

Baote darga noori halaalaanchimmakki kultannoni? Waammate giddo noori bagamannokkiha baxillekki dudubbannoni?

FAARSO 88:9

Dadillu batinyinni, kainohunni ille jallaaggue. Kaaliiqa ballo, barru barrunkunni atewa hige raareemmo; huuccattote anga'ya ate widira qole fa'neemmo.

ISAYAASI 38:18

Jeennaateho hee're galatannohehu mittuno dino; reyitinori digalattannohe; reyite madaarantinori ammanamakki dihexxitanno.

ERMIYAASI 14:17

Kaaliiqi anera leellannoere mare kuleemmonsa gede soyinoe. Anino, «Manni'ya lowo geeshsha madi'rino daafira, hashshanna barra ille'yanni hindiiddo lolakku.

ERMIYAASI QURTO 1:16

Hindiiddo ille'yara wo'mite du'nantannohu kunniraati; sheshifachishaeranna jawaachishaera dandaannohu mittuno dino; diinu qeelinoe; manni'ya giddonnino gatinohu dino.

ERMIYAASI QURTO 1:2

Hashsha wo'ma lowo geeshsha wi'litanna, baqqaallisera hindiiddo daaddanno. Albi baxillaanose baalate giddonni, sheshifachishannosehu mittu nafa dino. Halese ikkitinori baalu badhe wodhitinose; diina ikkitinose.

ERMIYAASI QURTO 2:11

Wi'late batinyinni kainohunni ille'ya jaaroortu; lubbo'yano shettote giddo no. Manni'ya ba"anni kainohunni dadillunni manii'roommo; oosonna qaaqquullu katamu dooggara dalagganno.

LUQAASI 7:38

Yesuusira badheenni lekkasi mule uurrite wi'litanni lekkasi hindiiddotenni shanshite, umise dananchinni fiite lekkasi sunqitanni aanaho shitto duntu.