FAARSO 56:8 - Qullaawa Maxaafa

⁸ Mageeshsha qarramoommoro ati afootto; mageeshshi hindiiddo du'noommoro egennootto. Baalunku coyi maxaafikkirawe borreessame no!

FAARSO 56:8 ပူးပေါင်းရင်းမြစ်များ

LAYINKI MOOTOOLLA 20:5

«Manna'ya gashshinohura Hiziqiyaasira marte, ‹Albihu awurikki Daawiti Magani ani Kaaliiqi huuccattokki macciishshoommo; hindiiddokkino laoommo; hurseennahe 3 barri gedensaanni Qullaawu Minira ha'ratto.

IYYOOBI 16:20

Jaalla'ya qacifattuero nafa, ani kayinni, Maganu albaanni hindiiddo'ya duneemmo.

FAARSO 121:8

Kaaliiqi eakkinna fulakki, xaanni kayise hegere geeshsha agarannohe.

FAARSO 139:16

Ilamammora albaanni afoottoe; hendoonnie barri iillara albaanni tajete borrokkira amadame keeshshino.

FAARSO 39:12

Kaaliiqa'ya ballo, huuccatto'ya macciishshi; raare'ya hidhi; wi'la'ya lashshi assite la'ooti; ani tenne gobbaha di"ikkoommo; annuwa'ya gede anino shiima yanna wosinchooti.

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

ERMIYAASI 18:23

Kaaliiqa ati kayinni, shitaera gantino gano afoottona, bunshensa agurtooti. Cubbonsano maartooti; qeelante ubbanno gede assi; hanqikkinni xaadinsa» yee huucci'roommo.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

MAATEWOOSI 10:30

Umi'ne dananchi baalu nafa kiirreenna no.

LAYINKI QORONTOOSI 11:26

Doogote xeertinyinni wayinna lolahu, hattono mulqidhannori qarrissinoe. Gosa'yanna daga bala tugginoe. Katamaho, halallitte gobbaranna baaru aana qarru iillinoe. Kaphaasine ammanaanono bala tugginoe.

IBIRAAWOOTA 11:13

Kuri baalu amma'nite heedhe reyitino. Maganu uyinonsa hexxono diafidhino. Ikkollana xeertote heedhe la'e, afidhinohu gede assite hagiidhite adhitino; tenne gobbara wosinanna manni gobba manna ikkitinota ammantino.

IBIRAAWOOTA 11:38

Halallitte gobbaranna gaarrate raataabbino; goddatenna ballate giddo heedhino. Tini gobba insara maltinota di"ikkitino.

IBIRAAWOOTA 11:8

Abirihaami Maganu albillitte aasira hexxo uyinosi gobba ha'rate woshshami yannara, ha'rannowa afa hoogirono ha'rate, hajajame fulinohu amma'natenniiti.

YOHAANNIS AJUUJA 20:12

Reyinohu shiimmaaddunna jajjabbu manni ayirradu barcimira albaanni uurre nooha afummo. Maxaaffano fa'nantu; heeshshonnihu wolu maxaafino fa'nami. Reyino mannirano maxaaffate giddo borreessinoonni garinni loosinsara yoo yini.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.

UMI SAAMUEELI 19:18

Daawiti xooqe Raama Saamueeliwa mare, Saaooli assinosire baala kulisi. Hakkunni gedensaanni lamunku marte Neyooti yinanni qachira heedhu.

UMI SAAMUEELI 27:1

Daawiti kayinni wodanisinni, «Mitto barra Saaooli anga reya'ya digattannona, Filisxeemete gobba ba"a woyyitannoe. Hakkunni gedensaanni Saaooli Israeelete gobbara ane shorra aguranno; anino keere hee'reemmo» yee hedi.