4 Wodanu shafamie; reyote waajjilli doyissie.
Shimi"i rumanni, «Koo ati tidhoottokkihunna mundeete manchi, kai kawiinni! Kai kawiinni!
Reyote dano doyisitue; waammate waajjilli gaangeessie; waajjillunna yaaddo amaddue.
Baarigaarra'ya wo'manka woyite, «Maganikki hiikko no?» yite yaachishshannae, manninati'ya yaaddotenni manii'ri.
Lubbo'ya hembeelantinona, Kaaliiqa, mamootella kaa'lattoe?
Xono wodana madiissitinoe; hexxono mudhoommo; mararannoeha hasi're hoogoommo; sheshifachishannoehano diafi'roommo.
Lowo qarri amadeennae, reyote gambisoommo.
Xaano Yesuusi, «Kune lubbo'ya shettinona, hanni hiikko! Anna'ya, tenne shettonni gatisie! Hatto yeemmokki gede, dayommohu konne qarra adhammoraatina, giddoonni hige sa"a hasiissannoe.
Yesuusi tenne gobbara mannu gede ikke hee'ri yannara, reyotenni gatisasira dandaanno Magani widira hige qoonqosi naggi asse wi'le lowo hindiiddonni huucci'ri. Maganu joongillesinna owaantesi lae huuccattosi macciishshisi.
