FAARSO 55:1 - Qullaawa Maxaafa

¹ Magano'ya ballo, huuccatto'ya macciishshi; eegama'yano lashshi assitooti.

FAARSO 55:1 ပူးပေါင်းရင်းမြစ်များ

FAARSO 143:7

Kaaliiqa'ya ballo, hexxo'ya baala ba'inona, keeshshittokkinni macciishshie; alba go'littoero, jeennaate dirritinori ledo karsama'yaati.

FAARSO 17:1

Kaaliiqa ballo, keeraanchu wodaninni shiqishi'reemmota eeggo'ya, xagarro nookki afiinni fultannota huuccatto'ya macciishshie.

FAARSO 27:9

Albakki shawwu assitootie; ati kaa'laancho'yaatina, ane soqqamaanchokki hanqite tugge agurtootie. Magano gatisaancho'ya ballo, wo'manka woyite agurtootie; callachishshootie.

FAARSO 28:1

Kaaliiqa golo'ya eeggate, ate woshshi'reemmo; huuccatto'ya macciishsha gibbootie; sammi yite giwittoero kayinni bale ea'yaati.

FAARSO 5:1

Kaaliiqa ballo, yeemmore macciishshie; uratto'yano lashshi assitooti.

FAARSO 6:1

Kaaliiqa ballo, hanqikkinni ruffootie; aarikkinni gantootie.

FAARSO 61:1

Magano ballo, raare'ya macciishshi; huuccatto'yano macciishshi.

FAARSO 64:1

Magano! Qarramoommona, hururama'ya macciishshie; baarigaari'ya waajjishiishshinni lubbo'ya gatisie.

FAARSO 80:1

Yooseefi sircho ge'reewu gede massagattohu, Israeelete allaalaancho ballo, macciishshinke! Kirubeeli iimaanni ayirradu barcimikkira ofolte leelli.

FAARSO 80:4

Olantote Magano Kaaliiqa ballo, mannikki huuccatto macciishsha gibbeenna, hanqikki buwannohu mamooti geeshshaati?

FAARSO 84:8

Olantote Magano Kaaliiqa! Huuccatto'ya macciishshie; Yaiqoobi Magano maccakki kawa qolie.

FAARSO 86:6

Kaaliiqa'ya ballo, huuccatto'ya widira maccakki qoli; woxarata'yano macciishshie.

ERMIYAASI QURTO 3:56

Raare'ya macciishsha gibbootie; maccakkino ane widira qolie.

ERMIYAASI QURTO 3:8

Kaa'lo afi'rate qoonqo'ya naggi asse raarummoro nafa, Maganu raare'ya macciishsha dihasi'ranno.

UMI PHEEXIROOSI 3:12

Mootichu ille keeraanote widira higge la'anno; maccasino huuccattonsa macciishshate fa'nante no; busha assitannorira kayinni, Mootichu hanqu alba qolanno.»