FAARSO 51:4 - Qullaawa Maxaafa

⁴ Ani cubbo loose ate aana calla sao assoommo; ati giwatto coye assoommo; ane aana yoo yaakkinna ane bunshete kiirakki garaho.

FAARSO 51:4 ပူးပေါင်းရင်းမြစ်များ

KALAQAMA 20:6

Maganuno haaqeetenni, «Konne coye taalu wodaninni assoottota ani afoommo; ise kisse cubbu giddora eattokki gede hooloommohehu kunniraati.

KALAQAMA 38:7

Eeri Kaaliiqi giwanno coye assino; kunnira Kaaliiqi qoome shiinosi.

KALAQAMA 39:9

Konne mine ane roorinohu dino; galtesi ikkoottahura ate agurranna uyinoekkiri dino; Maganu albaanni tenne jawa bunshenna konne cubbo hiitto asse looseemmo?» yiise.

KALAQAMA 9:6

«Mannu kalaqaminohu Maganu akatinniiti; kunni daafira, afanni hee're manna shaannohu baalu mannu anga reyanno.

LAYINKI MOOTOOLLA 17:17

Tenne dagate magannara oosonsa seennenna labballo shilqote kakkalo assite shiqishshino. Kiilaanonna qaalloole mala xa'midhino. Kaaliiqi giwanno coyira umonsa sayisse uyite iso hanqissino.

LAYINKI MOOTOOLLA 21:6

Ilinoha beettosi shilqote kakkalo asse shiqishino. Qoleno kiilanninna hellee la"anni qaallichimmatenninna ekera hasaawisatenni hee'rannoha ikkino. Kunni garinni Kaaliiqi giwanno coye asse iso hanqisino.

FAARSO 50:4

Mannisira yoo yaanno yannara, gordonna baatto naqaashshe asse kiidhe,

FAARSO 50:6

Maganu yoo yaannoha ikkino daafira, gorduno halaalaanchimmasi farchi'ranno.

ISAYAASI 43:25

Tenne baalante giddoonni, cubbo'ne agureemmo'nehu Magani'ne aneeti. Konne asseemmohuno ki'ne daafira ikkikkinni, su'mi'yara yeeti; kunnira cubbo'ne dikiireemmo.

LEEWAAWOOTA 5:19

Tinino manchu assino sao hoolate daafira anera shiqinshanni kakkalooti» yii.

LUQAASI 15:21

Beettuno, ‹Anna'ya, atenna Maganu albaanni bushoommo. Kunni ka'a ate beetto ikka dimaltinoe› yii.

LUQAASI 7:29

Konne macciishshihu baalunna qaraxaasine nafa gattukkinni Yohaannisi anga cuuamansanni, Maganu doogo halaale ikkitinota buuxxu.

SOQQAMAASINETE LOOSO 17:31

Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

ROOMU SOKKA 3:4

Horontanni digatissanno! «Coyi'ratto coyinni kainohunni halaalaancho ikkatto; baarigaarakki yoote darga garatto» yine borreessinoonninte gede, mannu baalunku kaphaancho ikkirono, Maganu kayinni halaalaanchoho.

YAIQOOBI 2:11

«Foortooti!» yiino Mootichi, «Shitootino!» yiino. Kunnira, foora hoogittorono shaakkinni seera diigootto yaate.

YAIQOOBI 2:9

Mannu mereero badooshshe kalaqqiniro kayinni cubbo loossinanni; seera sa'inoonni daafira xa'mantinanni.

YOHAANNIS AJUUJA 16:5

Wayi aana roorre afi'rino sokkaasinchi, «Hee'roottohunna noottohu Qullaawu Magani, ati yootto yoo taalote.

YOHAANNIS AJUUJA 19:11

Hakkunni gedensaanni gordu fa'name hee'reenna, waajjo farashsho afummo. Gulufe nooha, «Ammanaminohonna Halaalaanchoho» yinanni. Isi taalo yoo yaanno; taalotenni olamanno.