FAARSO 51:2 - Qullaawa Maxaafa

² Sao'ya baala hayishshite hoolie; cubbi'yanni keereensie;

FAARSO 51:2 ပူးပေါင်းရင်းမြစ်များ

LAYINKI SAAMUEELI 11:4

Daawiti manna soye ise woshshiishi. Iseno dagge isiwa e'eenna ledose goxi. Hatti yanna manchote godowu daye higeenna seerinsa garinni keeraa'mite no. Hakkunni gedensaanni ise minisera hadhu.

LAYINKI SAAMUEELI 12:1

Kaaliiqi, himanaancho Naataani Daawitiwa soyi. Naataanino Daawitiwa daye, «Mittu katamira mittu dureessunna mittu buxichu manchi no.

FAARSO 19:12

So'rosi afannohu dinona, afa hoongetenni loosoommo cubbinni gatisie.

FAARSO 51:7

Keeraa'meemmona, garambichunni wixie; kaadetenni roore waajji'reemmo gede hayishshie.

ISAYAASI 1:16

Haayishshidhine keeraabbe. Busha looso'ne baala albi'yanni hoolle. Sao assa agurre.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

LEEWAAWOOTA 13:58

Imaananna gogu uduunne baala hayishshineenna kuni dhibbi baiha ikkiro, galagalchine hayishshineenna seeru garinni keeraawanno.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

YOHAANNISI 13:9

Simiooni Pheexiroosino, «Mooticha'ya, hattootiro lekka'ya calla ikkikkinni anga'yano umo'yano hayishshie» yii.

SOQQAMAASINETE LOOSO 22:16

Xa mayiraati keeshshattohu? Gotti yite su'masi gantanni cuuami; cubbokkino hayishshi'ri!› yiinoe.

UMI QORONTOOSI 6:11

Kunni albaanni ki'ne giddonni mitu mitu hattooreeti. Ikkollana, Mootichinke Yesuusi Kiristoosi su'minni Anninke Maganu Ayyaaninni hayishshidhinoonni; qullaawoota ikkitinoonni; keeraa'mitinoonni.

YOHAANNIS AJUUJA 1:5

reyotenni ka"atenni umiha ikkinohu, ammanamino naqaashshenna uullate mootoolla gashshaancho ikkinohu Yesuusi Kiristoosiwiinni eltonna keeru iillo'ne. Baxannonkehura mundeesinni cubbonke hayishshinonkehura,

YOHAANNIS AJUUJA 7:14

Anino, «Mooticha'ya, ati afootto!» yuummo. Isino, «Kuri lowo qarra qeelte fulte dagginoreeti; uddanonsano Ge'rechu mundeenni hayishshidhe waajjo assidhino.