FAARSO 51:1 - Qullaawa Maxaafa

¹ Magano! Bagamannokkihu baxillikki deerrinni maarie; maarokki batinyi deerrinni cubbo'ya agurie.

FAARSO 51:1 ပူးပေါင်းရင်းမြစ်များ

LAYINKI SAAMUEELI 11:2

Mitte soodo Daawiti barra goxinowiinni kae, minu aana minnoonni mini aana ka'anna kawa ha'ramanni hee're mitte mancho biso hayishshidhanni noota afi. Tini mancho dana xumate.

NEHIMIYA 4:5

Bushu loosinsa daafira maartootinsa. Diigaminoha huxxinanna xontinonkena, cubbonsa habbooti» yee huucci'rummo.

FAARSO 106:45

Insara yee gondoorosi qaagino; bagamannokkihu baxillisinni kainohunni mararinonsa.

FAARSO 106:7

Akaakkanke Gibitsete gobbara heedhe, assino dhagge baala diwodanchitino. Leellishinonsaha bagamannokkiha baxillesi habbino. Duumu Baari gama maahoyye gibbino.

FAARSO 109:21

Mooticha Kaaliiqa'ya, ane kayinni su'mikkira yite kaa'lie; ati shaqqadohona, bagamannokkihu baxillikkinni gatisie.

FAARSO 119:124

Ane soqqamaanchokki bagamannokkihu baxillikkinni towatie; wogakkino rosiisie.

FAARSO 145:9

Isi mannu baalunkura shaqqadoho; kalaqama baala mararanno.

FAARSO 4:1

Halaalaancho Magano'ya, woshshi'reemmohe woyite dawarie. Shetummo yannara kaa'loottoena, xaano mararie; huuccatto'yano macciishshie.

FAARSO 40:11

Kaaliiqa maarokki anewiinni xeertissooti; bagamannokki baxillikkinna halaalikki wo'manka woyite agaroe.

FAARSO 5:7

Ani kayinni bati'ra maarokkinni kainohunni minikkira e"eemmo. Ate ayirrisatenni Qullaawu Minikkira e"e kumbuuleemmo.

FAARSO 51:9

Cubbo'ya la'ooti; sao'ya baalanta agurie.

FAARSO 69:13

Kaaliiqa'ya, ani kayinni macciishshate hasi'ratto yannara, ate huucci'reemmo; Magano, ati gatisate ootto hexxo wonshattoha ikkoottohura, bagamannokkihu baxillikki deerrinni dawarie.

FAARSO 69:16

Kaaliiqa! Bagamannokki baxillikkira yite dawarie; mararrokki batinyinni anewa higge lai.

FAARSO 77:9

Maganu marara hawinoni? Maarosi hanqoho soorrinoni?» yoommo.

ISAYAASI 43:25

Tenne baalante giddoonni, cubbo'ne agureemmo'nehu Magani'ne aneeti. Konne asseemmohuno ki'ne daafira ikkikkinni, su'mi'yara yeeti; kunnira cubbo'ne dikiireemmo.

ISAYAASI 44:22

Cubbokki gomichu gede malalli asseemmo; saokkino soodo guunjo gede asse hooleemmo; gatisoommohehu aneetina, anewa higi» yaanno.

ISAYAASI 63:15

Kaaliiqa Magano! Qullaawunna ayirradu dargira gordoho heedhe kawa qolte lai. Laalakkinna wolqakki mama no? Shaqqillikkinna mararrokki ninkewiinni xeertidhino.

ISAYAASI 63:7

Kaaliiqi assinonkerira baalaho, Israeelete manna mararino mararrora, bati'ru hegere baxillisinna shaqqillisi daafira, Kaaliiqiha dancha loososinna galatasi duduweemmo.

ERMIYAASI 18:23

Kaaliiqa ati kayinni, shitaera gantino gano afoottona, bunshensa agurtooti. Cubbonsano maartooti; qeelante ubbanno gede assi; hanqikkinni xaadinsa» yee huucci'roommo.

ERMIYAASI QURTO 3:32

Yannate geeshsha dadillisinkerono, gedensaanni bagamannokkihu baxillisi jawaata ikkinohura mararannonke.

DAANIEELI 9:18

Magano'ya! Eeggatena kawa higge huuccattonke macciishshi! Shettonkenna su'mikkinni woshshamanno katamira iillitino bao baala lai. Atewa hinge huucci'neemmohu ati shaqqado ikkootto daafiraati ikkinnina danchummanke hexxine di"ikkino.

DAANIEELI 9:9

Mooticha Maganonke! Aye geeshshano gara gimbummohero, ati maarattohonna saonkeno agurattoho.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.

QOLASIYAASI SOKKA 2:14

Qoxxissannonketanna gibbannonketa, seeru giddo noota asalu borro hunino. Masiqalu aana ladde ninke aaninni hoolino.