FAARSO 50:3 - Qullaawa Maxaafa

³ Maganinke daanno; sammi diyaanno; ittanno giira albasiinni no; wolqaataame bubbe gaangaawisira no.

FAARSO 50:3 ပူးပေါင်းရင်းမြစ်များ

FAARSO 50:21

Konne baala assitinanna sammi yee laummota, ane ki'ne gedeeha assitine kiirtinoonnie; xa kayinni xawoho abbooshshi're, la'inanna borooreemmo'ne.

FAARSO 68:20

Maganinke gatisaancho Maganooti; Maganu Kaaliiqi reyotenni gatisannoho.

FAARSO 83:1

Magano ballo, sammi yitooti; cuqqo gibbooti; huuro hooltooti.

FAARSO 96:13

Kaaliiqi baattote aana yoo yaara daanno; manna baalaho taalonna halaalaancho yoo yaanno.

FULO 19:18

Kaaliiqi giiratenni dirrino daafira, Siina Ilaala wiliile guggushshitu; ilaalu aaninni ka'anno wiliile boosonni fultannota labbanno; ilaaluno gudisame huxi'ri.

ISAYAASI 35:4

Shashu wodani noonsarira, «Waajjitinoontena jawaatte! Magani'ne diina'ne rabbise, ki'ne gatisara daanni no» yiiyye.

HIZIQEELI 1:4

Iima qole laummo woyite, wolqaataame bubbe aliyye raginni dagganni no; banaqono lowo gomichi giddo blicci yitanni no. Gomichu qooxeessira noo gordi duu'mi; banqo beleqqanno woyite, camote gedee blicceessi leellanno.

DAANIEELI 7:10

Giirate buichono ayirradu barcimiwiinni fultanno; isira kumunni kiirranni soqqamaano noosi; albasiinni uurritannori tonne higge tonne kumeeti. Yoono hananfi; maxaaffano fanni.

LEEWAAWOOTA 10:2

Kunninni kainohunni, Kaaliiqiwiinni fultino giira itte shiteenna Kaaliiqi albaanni reyitu.

IMBAAQOOMI 3:5

Dhibba alba qole soyanno; qoomamu badhesiinni hige daanno.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

KIIRO 16:35

Giirano Kaaliiqiwiinni dirrite hixaana giiranni nooha 250 manna ittu.

MAATEWOOSI 3:12

Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

MARRO 9:3

Ikkollana, uyino'ne hexxo garinni Magani'ne Kaaliiqi ittanno giira gede ikke balaxe alba'neenni fulannoha ikkinota xa affinanni. Insano hunanno; ille'nenni la'inanna qeelannonsa. Ki'neno insa rahotenni shorritine huntinanni.

IBIRAAWOOTA 12:29

Maganinke ittanno giiraati.

IBIRAAWOOTA 2:3

Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.

YOHAANNIS AJUUJA 22:20

Konne coye farci'rannohu, «Ee, rahe dayemmo!» yaanno. Hamii'ni! Mooticha Yesuusa, amo!