FAARSO 50:23 - Qullaawa Maxaafa

²³ Ayirrisannoehu galata kakkalannoe; hajajamannoehurano ani gatisaanchimma'ya leellisheemmosi» yaanno.

FAARSO 50:23 ပူးပေါင်းရင်းမြစ်များ

FAARSO 120:1

Qarru iillie yannara, Kaaliiqiwa hige raaroommo; isino macciishshinoe.

FAARSO 22:23

Ki'ne Kaaliiqa waajjitinanniri galattesi; Yaiqoobi sirchi baalunku ayirrissesi; Israeelete manni baalunku waajjesi.

FAARSO 25:14

Ayirrissannosirira baalaho Kaaliiqi jaalansaati; gondoorosino egentanno gede assannonsa.

FAARSO 27:6

Kuneeti xa gaangaawi'yara noo baarigaarra aana gotti gotti assannoe. Dukkanisi giddo ilillisanni kakkaleemmo; Kaaliiqira geeweemmosi; faarseemmosi.

FAARSO 34:5

Isiwa shiqqannorira albinsa xawanno; horonta di"irraabbanno.

FAARSO 85:13

Keeraanchimma Kaaliiqi albaanni hadhanno; qaafosirano doogo qixxeessitanno.

FAARSO 85:9

Ayirrinyisi baattonkera hee'ranno gede, isino ayirrissannosire gatisate qixxaawaho.

FAARSO 86:12

Mooticha Magano'ya, wo'mu wodani'yanni galata eemmohe; su'makkino hegere geeshsha ayirriseemmo.

FAARSO 86:9

Mooticha, kalaqoottonsa daga baala, dagge albakkiinni kumbuultanno; su'makkino ayirrissanno.

FAARSO 91:16

Diro furmanno gede asseemmosi; gatisaanchimma'yano leellisheemmosi» yaanno.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 45:17

Ki'ne Israeele kayinni hegere gatisaanchimma Kaaliiqi aanno'netenni gattinanni; hegerera saalunna shollinyu diamadanno'ne.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

LUQAASI 2:30

Gatisaanchimmakki ille'yanni afoommo;

YOHAANNISI 7:17

Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

SOQQAMAASINETE LOOSO 11:14

Isi atinna minikki manni baalu gattinanni qaale kulannohe› yiinosita kulinonke.

SOQQAMAASINETE LOOSO 13:26

«Ki'ne roduuwa'ya, Abirihaami sirchinni ilantinoonnirinna Magano waajjitinanni daga baala, kuni gatote qaali dayinohu ninkeraati.

ROOMU SOKKA 12:1

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

ROOMU SOKKA 15:6

Kunni garinni, Mootichu Yesuusi Kiristoosi Anni Maganu mittu wodaninninna mittu afiinni ayirrissinannisire asso'ne.

ROOMU SOKKA 15:9

Kiristoosi Ayihudete soqqamaancho ikkinohu wolu kaimi, daga maarosi daafira Magano galattanno gedeeti. Kunino: «Dagate mereero galateemmohe; su'makkino faarsotenni guwiseemmo» yine borreessinoonni garinniiti.

GALATIYU SOKKA 1:24

Anenni kainohunni Maganono galattu.

GALATIYU SOKKA 6:16

Tenne hedo garinni heedhannoriranna Maganu manna ikkitinorira baalaho keerunna maaro iillitonsa.

FILIPHISIYUSI SOKKA 1:27

Ikki garano ikkiro, qaru coyi, ki'ne Kiristoosihu Danchu Duduwira hasiisino garinni hee'rate. Ki'newa dayummorono woy fafe hee're mitte hedonni jawaattine uurra'nenna Danchu Duduwi amma'nara mittimmatenni sharrama'ne macciishsheemmo.

YAIQOOBI 3:13

Ki'ne giddo hayyichunna egennaamu ayeti? Hayyotenninna joongillunni loosinoha dancha looso heeshshosinni leellisho.

UMI PHEEXIROOSI 1:15

Woshshino'ne Magani qullaawa ikkinonte gede, ki'neno heeshsho'ne baalatenni qullaawoota ikke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.