FAARSO 50:1 - Qullaawa Maxaafa

¹ Magannate Magani Kaaliiqi coyi'ranno; soojjaatinni galchimira baattote aaninni manna baala woshshanno.

FAARSO 50:1 ပူးပေါင်းရင်းမြစ်များ

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

UMI MOOTOOLLA 18:21

Eeliyaasino mannaho, «Lamu wodaninni dintinanni heedhinannihu mamooti geeshshaati? Kaaliiqi Maganohoro iso magansidhe! Woy Ba"aali Maganohoro Ba"aali magansidhe!» yiinsa. Mannu kayinni mitto qaaleno didawarino.

UMI DUDUWO 15:17

Tenne faarsaano boosaallinni camote tsenaatsile gantara worroonniri: Iyueeli beetti Hemaani, isi ayidde ikkinohu Berakiya beetti Asaafi, qoleno Meraari boosaallinni Qusaya beetti Etaaniiti. Shiima bagana gana kaa'litannonsari, Zakkaariyaasi, Yaizieeli, Shemiramooti, Yi"ieeli, Uuni, Eeliyaabi, Maiseyaatinna Beenayaati. Jawa bagana gana kaa'litannori qolte: Matiitiya, Eelifelehu, Miqineya, Qullaawu Mini agaraasine giddonni Abidaaraatinna Yi"ieeliiti.

UMI DUDUWO 16:37

Moote Daawiti Asaafiranna Leewaawootu godowa ikkitinorira Gondooru Taabooti noowa magansi'rate seerira annimma uyinsa. Insano hakkiicho ganyite barra tuqa soqqantanni heedhu.

UMI DUDUWO 25:2

Zakuuri, Yooseefi, Netaaniyanna Asaarieela yinanniri shoolunku Asaafi oosooti. Moote hajaji kiironni Maganu sokka kulannohu Asaafi insara roorrichaho.

UMI DUDUWO 25:6

Labballi oososi baalanti Qullaawa Mine magansi'nanni seera wonshate anninsa albisanna tsenaatsile gantanno. Maasinqonna baganano gantanno. Asaafi, Hemaaninna Yidutuni qolte moote hajajannore assitanno.

UMI DUDUWO 6:24

Asiiri Tahaati ili; Tahaati Urieeli ili; Urieeli Uuziya ili; Uuziyano Shauuli ili.

LAYINKI DUDUWO 29:30

Hiziqiyaasinna roorrootu Daawitinna himanaanchu Asaafi fushshitinota galatu faarso Leewaawootu faarsitanno gede assitu. Insano umo heeshshi yite lowo hagiirrinni faarsitu.

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

NEHIMIYA 9:6

Kunni baalu gedensaanni Israeelete manni, «Kaaliiqa, ati callu Maganoho; ati gordonna gordu beeddahe kalaqootto. Baattonna baara, giddonsa noore baala kalaqoottohu ateeti; baalunkura lubbo woroottonsa. Gordu olanto baala heeshshi yite magansidhohe!

FAARSO 113:3

Kaaliiqi su'mi gobbate qaccenni qaccete geeshsha galataminoha ikko.

FAARSO 73:1

Maganu wodana subbinorira, Israeelete hiittoo shaqqadooti!

FAARSO 74:1

Magano! Horonta mayira agurittonke? Qanchikki ge'reewira hanqikki mayira buwi?

FAARSO 75:1

Magano galanteemmohe; lowimmakkino dudumbeemmo; dhaggenniha loosokki kulleemmo.

FAARSO 76:1

Maganu Yihudu gobbara egennaminoho; su'misino Israeelete ayirradoho.

FAARSO 77:1

Qoonqo'ya naggi asse Maganunniwa hige raarummo; macciishshannoe gede woxaratoommo.

FAARSO 78:1

Manna'ya, rosiiseemmo'nere macciishshe; macca'neno qaali'ya widira qolle.

FAARSO 79:1

Magano! Daga utuwikki giddora e'u; Qullaawa Minekkino batteessitu; Yerusaalameno diiggu.

FAARSO 80:1

Yooseefi sircho ge'reewu gede massagattohu, Israeelete allaalaancho ballo, macciishshinke! Kirubeeli iimaanni ayirradu barcimikkira ofolte leelli.

FAARSO 81:1

Golonke ikkinohura Maganoho hagiirrunni ilillisse; Yaiqoobi Maganira galatu faarso faarse.

FAARSO 82:1

Maganu gordu songo mereero ofollanno; magannate songo giddo yoo yaanni,

FAARSO 83:1

Magano ballo, sammi yitooti; cuqqo gibbooti; huuro hooltooti.

ISAYAASI 1:2

Kaaliiqi, «Gordonna baatto, macciishshe! Seekke lossi'roommoti ooso'ya anera gara gibbinoe.

ISAYAASI 37:20

Kaaliiqa Maganonke, ati callu Magano ikkoottota daga baala affanno gede xa Asoorootu anganni gatisinke» yaanni huucci'ri.

ISAYAASI 54:5

Kuni ikkannohuno, ani kalaqaanchikki Olantote Magani Kaaliiqi, ayiddaannakkiiti. Ani gatisaanchikki Israeelete Qullaawaati; kalqe baalate Maganooti yinannie.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ERMIYAASI 10:6

Kaaliiqa'ya, ate gedeehu dino; ati wolqaataamoho; su'mikkino jawahonna waajjinanniho.

AMOOTSI 3:8

Doobbiichu ittananna macciishshe, waajjannokkihu ayeti? Mootichu Kaaliiqi go'lino coye kuleennasi, himana coyi'rannokkihu nooni?

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MAATEWOOSI 25:32

Gosa baala albasiinni gamba yitanno. Allaalaanchu ge'reewo meuwiinni badannonte gede, isino gosa kawanna ka'a badanno.

IYYAASU 22:22

«Wo'manka roorannohu wolqaataamu Kaaliiqaati! Isi baalunku Mootichaati! Isi baalanka roore wolqaataamo Maganooti! Ninke konne mayira assinoommoro isi afino! Ki'neno mayira assinoommoro affinara hasi'neemmo; halaalinta bunshoommoronna Kaaliiqira noonke amma'na xeinsoommoro, marartinoontenke.