FAARSO 5:10 - Qullaawa Maxaafa

¹⁰ Magano'ya ballo, assitino bunshera qorichishinsa; bunshensa batidhinohuranna maahoyye gibbinohura, uminsa gano huntonsa; atino albikkinni hoolinsa.

FAARSO 5:10 ပူးပေါင်းရင်းမြစ်များ

LAYINKI SAAMUEELI 15:31

Daawitira, gano ganate Akixoofeeli Abeseloomi ledo noota kulleennasi, «Eeggate Kaaliiqa'ya, Akixoofeeli mali mulla ikkanno gede assi» yee huucci'ri.

LAYINKI SAAMUEELI 17:14

Abeseloominna Israeelete manni baalu, «Kuusi mali Akixoofeeli malinni rooranno» yii. Kaaliiqino Abeseloomira bao dagganno gede assara yee woyyitannosita Akixoofeeli amaale adhantannokki gede assino.

LAYINKI SAAMUEELI 17:23

Akixoofeeli malisi adhaminokkita afiti, harrichosi koodhe kae katama minisira ha'ri. Mine biddi assi'rihu gedensaanni angasinni qalxi're reenna, annisi waammara madaarrisi.

LAYINKI DUDUWO 25:16

Himanaanchu coyi're gudikkinni Amesiyaasi, «Ate mootete amaalaancho mamoote assinummohe? Xa sammi diyaatto? Giwittoro sheemmohe?» yiisi. Himanaanchuno shiima yanna taxxi yiihu gedensaanni, «Konne coye assakkiranna ane amaale adha giwakkira Maganu hunahera kainota afoommo» yii.

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

FAARSO 10:15

Cubbaataammunnitanna bushuullu cigile hiiqqi; loosinsata uyinsa; higge higgannokki gede assinsa.

FAARSO 107:11

Kuni duuchu qarri iillinonsahu, Wo'munkura Aliidi Maganira hajajama gibbinohuraatinna, seejjosi adhitinokkihuraati.

FAARSO 17:13

Kaaliiqa ballo, dagge olante uullate ganinsa; bisekkinni bushu manniwiinni gatisie.

FAARSO 31:18

Wolqatenninna boo'natenni, keeraano mishshanni coyidhanno kaphaano afii beewo.

FAARSO 35:26

Qarrame hee'reenna hagiidhitannori saalfatto; mitteenni ti'maa'mito; ane aana boo'nitannori saalanna shollinye uddidho.

FAARSO 55:15

Minensanna mereeronsa bunshe noo daafira, baarigaarra'yara reyo daggonsa; yanni-male reyito insa.

FAARSO 66:7

Wolqasinni hegerera gashshanno; illesi dagate aaninni dika'anno; kunnira, haxawarrootu isi albaanni naaxxitoonke.

FAARSO 71:13

Lubbo'ya hettissannori irraabbe gooffo; gawajjameemmota baxxannori saalanna shollinye uddidho.

FAARSO 79:12

Mooticha! Qooxeessinkera noo gosa qacifattuhe qacifatara, lamala ero qolinsa.

ISAYAASI 1:2

Kaaliiqi, «Gordonna baatto, macciishshe! Seekke lossi'roommoti ooso'ya anera gara gibbinoe.

ISAYAASI 1:20

Gibbinironna haxawarritiniro kayinni bise ittanno'ne. «Konne coye coyi'roommohu ani Kaaliiqaati» yii.

ISAYAASI 63:10

Insa kayinni Qullaawa Ayyaanasi dadillissino; kunnira isinni qole diina ikke gawajjinonsa.

ERMIYAASI QURTO 1:5

Cubbise batinyinni kainohunni, Kaaliiqi shetisinose daafira, diinnase isera umo ikkitino; insara baalu coyi qiniinonsa. Oososeno diinu qafadanno gede assino.

DAANIEELI 9:5

ninke bunshenkenninna haxawarrimmankenni cubbo loonse sao assinoommo; seerakkinna hajajokki gimboommo.

DAANIEELI 9:9

Mooticha Maganonke! Aye geeshshano gara gimbummohero, ati maarattohonna saonkeno agurattoho.

HOOSEI 9:7

Kuneeti qorichu barri dayino; mittu mittunku loosisi guma itannohu yoote barri iillino. Israeelete manni konne baalanka coye afo! Cubbi'nenna diinoomi'ne batinyinni himanaancho balala, ajuuja afi'nohano macharaaraamu gede assitine kiirtinanni.

UMI QORONTOOSI 3:19

Tenne gobba egenno Maganu albaanni gowwimmate. Hakkuno, «Maganu hayyoole, xagarronsanni amadanno» yine borreessinoonni gedeeti.

MARRO 2:30

Magani'ne Kaaliiqi xa assinonte gede iso anga'nera sayise aara wodanasi kaajjishe mokkookka assino daafira, Hasebooni moote Sewooni sa'nammora difajjinonke.

UMI SAAMUEELI 25:29

Shaahera hasi'rannohu hee'riro nafa, Maganikki Kaaliiqi kikki'lasi giddo maaxannohe. Baarigaarrakki lubbo kayinni, corqaayyetenni ollanni kinchinni roore wigidiide tuganno.

UMI SAAMUEELI 25:39

Daawitino Naabaali reyinota macciishshe, «Naabaali xoninoe daafira rabbisinoehu ane soqqamaanchosino busha assatenni agarinoehu Kaaliiqi galataminoha ikko. Naabaali loosinori amadannosi gede assino» yii. Daawitino Abigiya galte assi'rara hasi're sokka soyise.