FAARSO 47:8 - Qullaawa Maxaafa

⁸ Maganu dagate moohanno; Maganu qullaawu barcimisira ofollanno.

FAARSO 47:8 ပူးပေါင်းရင်းမြစ်များ

UMI DUDUWO 16:31

Gordu hagiidho; baattoteno tashshi yoose; daga baalate, «Kaaliiqi mootete» yitine kulle.

FAARSO 110:6

Gosate aana yoo yaanno; olu xawono reeshsha calla assanno; baattote aana noo mootoolla baala gudanno.

FAARSO 48:1

Kaaliiqi lowoho; Maganinke qullaawu ilaalira noohura katamisira lowo geeshsha galataminoho.

FAARSO 89:14

Gashshootikki keeraanchimmatenna taashshate aana uurrino; bagamannokkihu baxillikkinna halaalaanchimmakki loosikkinni leeltanno.

FAARSO 9:4

Ayirrinyu barcimira ofolte halaalu yoo yitanni, anerano halaale coyi'rattoe.

FAARSO 93:1

Kaaliiqi mootete; kalqeno kaajjishe uurrisino; iseno dishashshafantanno.

FAARSO 94:20

Uminsa seera so'ronniha qixxeessidhannorinna, bunshe loossanno gashshaano ate ledo mittimma diafidhino.

FAARSO 96:10

Daga baalate, «Kaaliiqi mootete; kalqe shashshafantannokki gede kaajjite uurritino; dagano taashshe gashshanno» yitine kulle.

FAARSO 97:1

Kaaliiqi moohinona, baatto hagiidhito; giddichuwa baalate tashshi yoonsa.

FAARSO 99:1

Kaaliiqi moohi; daga baalano qece yito; kirubeelira iimaanni ofolli; baattono huxidhanno.

FAARSO 99:2

Kaaliiqi Tsiyooni jawaho; daga baalate gashshaannaati.

ZAKKAARIYAASI 14:9

Hatte yannara, Kaaliiqi kalqe baalate moote ikkanno; mannu baalu isi callu Magano ikkinota egenne su'masi ayirrisanno.

MILKIYAASI 1:14

Saadasi giddo dancha saada aate xa'ne kae, minshoonni saada shiqishannohu dogaanchu manchi rumaminoha ikko. Ani jawa mooteeti; Olantote Mootichaati; daga baalano su'ma'ya waajjitanno» yii.

IBIRAAWOOTA 4:16

Maaro adhatenna hasiissanno yannara kaa'litannonke elto afi'rate, elto noowa ayirradu Maganu barcimiwa ruxxi yinummokkinni shinqo.

YOHAANNIS AJUUJA 19:6

Xaano lowo manni huuro labbannota, shooshshanno wayi luulinna banqote beleqi gedee gugatto, «Halleeluya! Wo'manka Dandaannohu Mootichinke Maganu moohino!

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.